ეკონომიკის მინისტრი ნათია თურნავა, ოპოზიციის წარმომადგენლებს აკრიტიკებს და ოპონენტებს ურჩევს, რომ ანტიკრიზისულ გეგმის პროგრამას კარგად გაეცნონ.

მინისტრმა ხელისუფლების ოპონენტები პოლიტიკურ სპეკულაციებსა და პოპულიზმში დაადანაშაულა.

თურნავამ დღესაც გაიმეორა, რომ ანტიკრიზისული გეგმითა და მთავრობის ნაბიჯებით ოპოზიციას სათქმელი არ დაუტოვეს.

"ნებისმიერ კონსტრუქციულ დიალოგში და პოლემიკაში ყოველთვის შევალთ, ნებისმიერ კონსტრუქციულ შემოთავაზებას გავითვალისწინებთ, იმიტომ, რომ კორონავირუსი ისეთი გამოწვევაა, რომლის წინაშეც ყველანი უნდა დავკონსოლიდირდეთ, ყველას საღი აზრი მისაღებია. არ მივიღებთ პოპულიზმს, არ მივიღებთ კორონავირუსის პოლიტიკური კონიუნქტურისთვის გამოყენების მცდელობას და არ მივიღებთ პოლიტიკურ სპეკულაციებს",- განაცხადა მთავრობის წევრმა.