დაავადებათა კონტროლის ცენტრის ხელმძღვანელის, ამირან გამყრელიძის განარტებით, ამ ეტაპზე ჟურნალისტებს გაფართოებული ტესტირება არ შეეხებათ.

გამყრელიძე აცხადებს, რომ ჟურნალისტები არ არიან ისეთი მაღალი რისკის ქვეშ მყოფი ადამიანები, როგორც, მაგალითად, სამედიცინო პერსონალია.

"რაც შეეხება ჟურნალისტებს, თქვენ არ ხართ მაღალი რისკის, როგორიც ვართ, მაგალითად, მე, რომელსაც ინფიცირებულ ადამიანებთან ყოველდღიური კონტაქტი მაქვს. თქვენ ნაკლები რისკი გაქვთ, ვიდრე აქვთ ექიმებს, ექთნებს და სამედიცინო პერსონალს და სიმპტომებიან ადამიანს. მაგრამ თუ რომელიმე თქვენგანს რაღაც სიმპტომები გაუჩნდა, აუცილებელია, რომ მიმართოთ ცხელების კლინიკას ან პირველადი ჯანდაცვის ექიმს და დარეკოთ 112-ზე, გადაგამისამართებენ და თუ საჭიროა, ჩაგიტარდებათ ტესტირება. ამიტომ, რა თქმა უნდა, ჟურნალისტებიც გათვალისწინებული იქნებიან, მაგრამ უფრო მომდევნო ეტაპებზე",- აღნიშნა გამყრელიძემ.