ამ ეტაპზე კომენდანტის საათი ძალაში საგანგებო მდგომარეობის მოქმედების ვადით, 22 მაისამდე რჩება - ამის შესახებ მთავრობის ადმინისტრაციის ხელმძღვანელმა, ნათია მეზვრიშვილმა ისაუბრა.

მისი თქმით, შეზღუდვების მოხსნის ეტაპობრივ გეგმებში კომენდანტის საათის, საზოგადოებრივ ტრანსპორტსა და თავშესყრასთან დაკავშირებული შეზღუდვების მოხსნაზე მითითება ვერ მოხვდა.

"საგანგებო მდგომარეობის ვადამ გადაიწია 22 მაისის ჩათვლით, რაც იმას ნიშნავს, რომ მოქმედებს ყველა ის შეზღუდვა, რაც არ მოგვიხსნია 27 აპრილს. მათ შორის კომენდანტის საათი მოქმედებს. კომენდანტის საათის მოქმედებას, ისევე როგორც სხვა შეზღუდვების მოქმედებას, მაგალითად საზოგადოებრივ ტრანსპორტზე, აქვს ერთდაერთი მიზანი, ეს არის მობილობის შემცირება", - ამბობს მეზვრიშვილი.