გვაქვს გერმანული ტესტები, ყველაზე კარგი წარმოების, „შარიტემ“ გააკეთა, რომელიც არის ევროპაში ყველაზე დიდი სამედიცინო ცენტრი

გვაქვს გერმანული ტესტები, ყველაზე კარგი წარმოების, „შარიტემ“ გააკეთა, რომელიც არის ევროპაში ყველაზე დიდი სამედიცინო ცენტრი - ამირან გამყრელიძე

COVID-19 - 21:22, 27 Apr, 2020

717

დაავადებათა კონტროლის ეროვნული ცენტრის დირექტორი ამირან გამყრელიძე აცხადებს, რომ ტესტები, რომელსაც საქართველოში კორონავირუსის გამოსავლენად იყენებენ საუკეთესოა და გერმანული წარმოებისაა.
გამყრელიძემ ასევე ისიც აღნიშნა, რომ გერმანული ტესტების გარდა მათ აქვთ ჩინური, ამერიკული, ბრიტანული და კორეული ტესტებიც.
„ტესტები გვაქვს გერმანული, ყველაზე კარგი წარმოების. პირველი ეს წარმოება, საუკეთესო პრაიმერები „შარიტემ“ გააკეთა, რომელიც არის ევროპაში ყველაზე დიდი სამედიცინო ცენტრი. ასევე გაგიგიათ დროსტენი, იმ ინსტიტუტის ტესტებია ქვეყანაში, რომელიც ჩვენმა პარტნიორმა პირველივე ეტაპზე მოგვაწოდა სრულიად უსასყიდლოდ და დიდი მადლობა მათ ამისთვის. გვაქვს სამხრეთ კორეის ტესტები, რომელიც ძალიან კარგად მუშაობს. სამხრეთ კორეა ერთ-ერთი წარმატებული ქვეყანაა სხვადასხვა ტიპის ტესტის წარმოებაში. გვაქვს ბრიტანული, ამერიკის დაავადებათა ცენტრის ტესტები, გვაქვს ჯანმო-ს მიერ მოწოდებული ტესტები, გვაქვს ჩინეთის მიერ მოწოდებული ტესტები. ჩინეთში არის დაახლოებით 30-40-მდე ბიოტექნოლოგიური კომპანია, რომელიც აწარმოებს სხვადასხვა ტიპის ტესტს“, – განაცხადა ამირან გამყრელიძემ.