"ამოცანა გვეკითხება, რა გადაუდებელი აუცილებლობითაა ნაკარნახევი ცალკე ბოტასების და ცალკე მრავალი მილიონის მოპარვაში მხილებული ფარცხალაძისთვის საშვის ბოძება"- მელია

პოლიტიკა - 19:27, 25 Apr, 2020

823

"ერთიანი ნაციონალური მოძრაობის" პოოლიტსაბჭოს თავმჯდომარე ნიკა მელია ყოფილი მთავარი პროკურორის ქალაქში, ავტომობილით უპრობლემოდ გადაადგილების ფაქტს ეხმაურება.
"მაშინ როცა მანქანით გადაადგილება აკრძალულია, ცალკე ბოტასების და ცალკე მრავალი მილიონის მოპარვაში მხილებული ოთარა ფარცხალაძე არხეინად დადის!

ამოცანა გვეკითხება, რა გადაუდებელი აუცილებლობითაა ნაკარნახევი მისთვის საშვის ბოძება?

- ვინმე დიდი ბიზნესმენი ჰყავს გადასაყვანი სარდაფში?

- „უმაღლესი ლიგის“ შავებთან“ მიეჩქარება რომ „დაულაგოს“? (სწორედ მასთან „ალაგებენ“ თბილისელი, სუსთან შეკრული „შავები“, ისინი, ვინც „უმაღლეს ლიგაში“ თამაშობენ).

პატიოსან თბილისელს ცოლი უზის გვერდით და ამის გამო აჯარიმებენ და ამას გვერდითაც უზის და თბილისშიც დაუბრკოლებლად დაქრის. მისთვის არც აკრძალვა არსებობს, არც ჯარიმა.

აი, ეს კაცია იმ ხელისუფლების მეტაფორა, რომელსაც სულ სხვა საშვი უნდა გამოვუწეროთ შემოდგომით არჩევნებზე - ისტორიის სანაგვეზე გავუშვათ"- წერს მელია.

ვიდეო, სადაც ჩანს, რომ ყოფილი მთავარი პროკურორი ქუჩებში მანქანით გადაადგილდება, ენმ-ის წევრმა, თბილისის საკრებულოს დეპუტატმა, ლევან ხაბეიშვილმა, ფაქტს უკვე მოჰყვა პოლიტიკური შეფასებები.