"ივანიშვილის პაიკების სრული ისტერიკა... „ოცნება“ ხედავს, რომ მიშა ჩაუძირავია"- ენმ-ს ლიდერები სააკაშვილის უკრაინის ციცე-პრემიერად შესაძლო დანიშვნაზე

პოლიტიკა - 17:07, 25 Apr, 2020

966

საქართველოს ხელისუფლების "ისტერიკა" და დამაზიანებელი ქმედება სახელმწიფოსთვის - ასე აფასებს დეპუტატი თინა ბოკუჩავა ხელისუფლების წარმომადგენლების განცხადებას, რომლიე მიხედვითაც თუ საქართველოს მესამე პრეზიდენტი უკრაინის ვიცე-პრემიერი გახდება, ეს ორი ქვეყნის ურთიერთობას დააზიანებს.

ენმ-ს წევრი აღნიშნავს, რომ საკითხზე "ივანიშვილის პაიკებმა ისტერიკა ატეხეს":

"როდესაც უკრაინის პრეზიდენტი ზელენსკი წარადგენს, უკრაინის მოქალაქეს, პრეზიდენტ სააკაშვილს წარადგენს უკრაინის ვიცე-პრემიერის თანამდებობაზე და ამაზე საქართველოს ხელისუფლება, ივანიშვილის პაიკები სრულ ისტერიკას ტეხენ, ეს ძალიან სამარცხვინოა თავად ამ ხელისუფლებისთვის, და რაც უფრო სამწუხაროა, ეს საზიანოა საქართველოსთვის, სახელმწიფოსთვის, რადგან უკრაინა ჩვენი ძალიან მნიშვნელოვანი პარტნიორია"- აცხადებს "ტვ. პირველთან" "ერთიანი ნაციონალური მოძრაობის" ერთ-ერთი ლიდერი თინა ბოკუჩავა.

„ქართული ოცნება“ ხედავს, რომ მიშა ჩაუძირავია, - ეს შესაფასება კი ბოკუჩავას თანაგუნდელს, ფრაქცია "ნაციონალური მოძრაობის" თავმჯდომარეს ეკუთვნის.

რომან გიცურიძემ კომენტარი "ინტერპრესნიუსთან" გააკეთა და თქვა, რომ საქართველოს ხელისუფლებამ მიხეილ სააკაშვილი არც საქართველოს სასიკეთოდ გამოიყენა და ამავდროულად, ხელს უშლის, რომ უკრაინას გამოადგეს.

„ვერ ისწავლა ამ ხალხმა ჭკუა. აი, ასეთი ჟრიამული ატეხეს, როდესაც მიხეილ სააკაშვილი ოდესის გუბერნატორად ინიშნებოდა, მაგრამ მერე რა, რას მიაღწიეს?! რაღაც წერილები დაჯღაბნეს და ამით მორჩა. როგორც იტყვიან, ძაღლი ყეფს, ქარავანი მიდის. ხოდა ამ ძაღლის ხსენებაზე, ძაღლივით იქცევიან, რომელიც თივაზე ზის, არც თვითონ ჭამს და არც სხვას აჭმევს. იმის ნაცვლად, რომ მიხეილ სააკაშვილი ქვეყნისათვის გამოეყენებინათ, ახლა ხელს უშლიან, რომ უკრაინის სახელმწიფოს გამოადგეს. მთავარი პრობლემა იმაშია, რომ ისინი ხედავენ, რომ მიშა არის ჩაუძირავი,“ - განაცხადა გოცირიძემ.

სააკაშვილის ვიცე-პრემიერად დანიშვნის საკითხი, შესაძლოა, საქართველოსა და უკრაინას შორის დიპლომატიური ურთიერთობის გაუარესების მიზეზი გახდეს. შესაბამისი განცხადებები "ქართული ოცნების" ლიდერებისგან ღიად კეთდება.