ევროპული საქართველოს წევრი, ზურაბ ჭიაბერაშვილი გაუგებას უწოდებს ინფექციური საავადმყოფოს სამედიცინო დირექტორის განცხადებას, რომელის მიხედვითაც "ვიმედოვნებთ, რომ შემდგომ დღეებში ასეთი აგრესიული ტესტის გარეშე ჩატარდება ალბათ უკვე კვლევები და ეს მაჩვენებელი ასეთი არ იქნება".

ჭიაბერაშვილი აღნიშნავს, რომ ფარული ტესტირება ერთ-ერთი აუცილებელი საშუალებაა, რომ ვირუსის ფარული და უკონტროლო გავრცელება თავიდან იქნეს არიდებული.

"იმ პირობებში, როდესაც მთავრობამ, როგორც იქნა, ძალიან დაგვიანებით სახლებიდან გამოსვლის ეტაპობრივი გეგმა გამოაცხდა, სწორედ ფართომასშტაბიანი ტესტირებაა ერთ-ერთი აუცილებელი საშუალება, რომ ვირუსის ფარული, უკონტროლო გავრცელება ავიცილოთ თავიდან და ეფექტიანად ვმართოთ პროცესი. სამწუხაროდ, მარინა ეზუგბაიას ეს განცხადება კიდევ ერთხელ ავლენს ტესტირებისადმი სკეპტიკურ მიდგომას, რასაც მთავრობა აქამდე მიზანმიმართულად მიყვებოდა და რის გამოც საქართველოს 1 მლნ მოსახლეზე ჩატარებული ტესტებით ერთ-ერთი ყველაზე დაბალი მაჩვენებლი აქვს რეგიონში", - აღნიშნა ჭიაბერაშვილმა.

თბილისის ინფექციური საავადმყოფოს სამედიცინო დირექტორის, მარინა ეზუგბაიას თქმით, ბოლო 24 საათში გამოვლენილი 25 ახალი შემთხვევა აგრესიული ტესტირების შედეგია.