ივანიშვილის გუნდის ილუზიაა, რომ ამ არაადეკვატური გეგმით არჩევნებს მოიგებენ - ბოკერია ანტიკრიზისულ გაგმას მავნებლურს და არაადეკვატურს უწოდებს

პოლიტიკა - 13:32, 25 Apr, 2020

774

„დაგვიანებული, გაუმჭვირვალე, მავნებლური იდეებით სავსე და არაადეკვატური - .„ევროპული საქართველოს” ერთ-ერთი ლიდერის, გიგა ბოკერია, ხელისუფლების ანტიკირიზისული გეგმას აკრიტიკებს.

ოპოზიციის წარმომადგენელი ხელისუფლების წინასაარჩევნო კამპანიაზე საუბრობს, თუმცა მისი თქმით, ივანიშვილის გუნდს აქვს ილუზია, რომ ამ გეგმით არჩევნებს მოიგებს, რაც ბოკერიას განცხადებით, სისულელეა.

„ივანიშვილს გუნდს შესაძლოა აქვს ილუზია, რომ ამ დაგვიანებული, გაუმჭვირვალე, მავნებლური იდეებით სავსე, არაადეკვატური გეგმით, რაც წარმოადგინა გახარიამ, რომლითაც არც საგადასახადო წნეხს არ უკლებენ მოქალაქეებს და მეწარმეებს, არც გამჭვირვალე და არსებითი დახმარება არ აქვთ უმუშევრად დარჩენილებისთვის და მთლიანად საზოგადოებისთვის, სადაც საპენსიო ფონდის ფულსაც კი არ უბრუნებენ ხალხს, რომელიც მათი ფულია, არჩევნებს მოიგებენ. ოღონდ ეგ სისულელეა, ამით ვერ მოიგებენ ქართველი ხალხის გულს, მაგრამ სამწუხარო ის არის, რომ ამ ილუზიას გადაყვება ჩვენი ოჯახების ეკონომიკური მომავალი, ჩვენი ოჯახების შემოსავლები და საქართველოს შანსები, რომ სწრაფად გამოვიდეს ამ უმძიმესი კრიზისიდან, ეს არის პრობლემა, თორემ არჩევნებს წააგებენ, უბრალოდ სანამ ისინი მთავრობაში არიან, მანამ მოაქვთ ეს ზიანი და მანამ არ შველიან ქვეყანას ასეთ მძიმე მომენტში”, - განაცხადა ბოკერიამ.