იტალიაში კორონავირუსისგან უკვე 150 ექიმი გარდაიცვალა- ამის შესახებ იტალიის მედიკოსთა ასოციაციაზე დაყრდნობით ინფორმაციას CNN-ი ავრცელებს.

ჯანმრთელობის უწყების პროფესიონალთა 10 % არის დაინფიცირებული იტალიაში აღნიშნული ინფექციით. იტალიელი ექიმები აკრიტიკებენ სახელმწიფოს მიერ გაცემულ ბრძანებულებას ჯანდაცვის სისტემის გაძლიერებასთან დაკავშირებით, სადაც საუბარია 25 მილიარდი ევროს ოდენობის დაფინანსებაზე.

იტალია ამ დრომდე კორონავირუსის მთავარი გავრცელების კერადაა მიჩნეული ევროპაში, სადაც დაინფიცირებულთა რაოდენობა ამ დროისთვის 192 994-ია, რომელთაგან 26 000-მდე შემთხვევა ფატალური აღმოჩნდა. 60 498 ადამიანი უკვე განიკურნა აღნიშნული ინფექციისგან. 2173 ადამიანი კრიტიკულ მდგომარეობაშია, რომელთა უმრავლესობა ხელოვნური სუნთქვის აპარატზეა მიერთებული.