პრემიერმინისტრი, გიორგი გახარია აცხადებს, რომ დიდი ქალაქებისთვის დაწესებული შეზღუდვები, მათ შორის, საქალაქთაშორისო გადაადგილებაზე არსებული შეზღუდვა კვლავ ძალაში რჩება.

თუმცა, პრემიერის თქმით, რადგან დაწესებული შეზღუდვები აღდგომის დღესასწაულს დაემთხვა და საზოგადოების ნაწილი ამ დროს გასული იყო რეგიონებში, გამონაკლისის სახით, საქალაქთაშორისო გადაადგილებაზე დაწესებული შეზღუდვა 2 დღით მოიხსნება.

"ეს იქნება ორშაბათი და სამშაბათი, როდესაც მოქალაქეებს 2 დღის განმავლობაში ექნებათ შესაძლებლობა დაბრუნდნენ თავისი რეგისტარციის ადგილებზე, ან სამუშაო ადგილებზე. ამ ორი დღის შემდეგ საქალაქთაშორისო და ქალაქების ჩაკეტვის შეზღუდვები გაგრძელდება", - ამბობს პრემიერი.