ეროვნული გამოცდები შესაძლოა გადავადდეს - გამოცხადდება თუ არა მიმდინარე წელი აკადემიურად?

პოლიტიკა - 16:09, 24 Apr, 2020

921

საქართველოს მთავრობა განათლების საკითხებზე დეტალურ პრეზენტაციას უახლოს მომავალში გამართავს, თუმცა როგორც პრემიერ მინისტრმა განაცხადა, ეროვნული გამოცდების ჩატარების მექანიზმი არ შეიცვლება, ცვლილება შესაძლოა შეეხოს ვადებს.
საქართველოს მთავრობის მეთაურის თქმით, მიმდინარე წელი აკადემიურად არ გამოცხადდება.
„ შემიძლია გითხრათ რომ ქვეყანაში აკადემიური წელი არ გამოცხადდება.
განათლების სამინისტრომ ეფექტურად შეძლო გამკლავებოდა შეზღუდვებს და დისტანციული სწავლების მეთოდები როგორც საშუალო სკოლაში, ასევე უმაღლესი განათლების ნაწილში საკმაოდ ეფექტურად დანერგა.

ამასთან ერთად მინდა გითხრათ, რომ ეროვნულ გამოცდებს არაფერი არ ემუქრება, ჩატარდება. აქ შეიძლება იყოს გარკვეული გადავადების საკითხი, თუმცა მექანიზმი სრულად იქნება შენარჩუნებული.

პრეზენეტაციას განათლების სისტემის ამუშავების შესახებ გავაკეთებთ ცალკე“ - განმარტა გახარიამ.

მისი თქმით, სკოლებში სწავლება სექტემბრამდე არ განახლდება.

„სწავლა სკოლებში არ განახლდება პირველ სექტემბრამდე. განათლების საკითხზე ცალკე პრეზენტაციის გაკეთება გვინდა. თუმცა, დღეს შემიძლია გითხრათ, რომ ქვეყანაში აკადემიური წელი არ გამოცხადდება. განათლების სამინისტრომ ეფექტურად შესძლო გამკლავდებოდა შეზღუდვებს. დისტანციური სწავლების მეთოდი, როგორც სკოლებში, ასევე უმაღლეს სასწავლებლებში ეფექტურად გაატარა“, - განაცხადა გახარიამ.