მშენებლობა, ავტოსამრეცხაოები, ავტოსერვისები და სხვა - როდის და რომელი ბიზნესსუბიექტები ამოქმედდებიან ეკონომიკის გახსნის მეორე ეტაპზე

პოლიტიკა - 15:11, 24 Apr, 2020

723

ეკონომიკის გახსნა მომავალი კვირიდან ეტაპობრივად დაიწყება და ეტაპებს შორის 2 კვირიანი პერიოდი იქნება - ამის შესახებ საქართველოს პრემიერ-მინისტრმა გიორგი გახარიამ განაცხადა.
გახარია ამბობს, რომ ეკონომიკის ეტაპობრივი გახსნა ეპიდემიოლოგიური მდგომარეობიდან გამომდინარე მოხდება.

მეორე ეტაპზე შესაძლებელი ხდება სხვადასხვა ბიზნესსუბიექტების ამუშავება.

„ეკონომიკის გახსნის მეორე ეტაპი, სავარაუდოდ იქნება პირველი ეტაპის გახსნიდან 2 კვირის შემდგომ, თუმცა ეპიდემიოლოგიური მდგომარეობის სრული შეფასებით.

ეს იქნება:

- მშენებლობა;
- მშენებლობის ზედამხედველობასთან დაკავშირებული საქმიანობა;
- სამშენებლო მასალების წარმოება;
- ავტოსამრეცხაოები და ავტოსერვისები სრულად;
- კომპიუტერების პირადი საყოფაცხოვრებო საქონლის რემონტი;
- სარეკრეაციო ზონების ფუნქციონირება.

ეს არის მეორე ეტაპი და თქვენ შეამჩნევთ რომ პირველი, მეორე, მესამე ეტაპი ეს ის ძირითადი საქმიანობებია, რომელთა საქმიანობა ღია სივრცესთან არის დაკავშირებული, სრულად არა, მაგრამ ძირითადად დაკავშირებული“, - განაცხადა გახარიამ.