"ქართული ოცნების" დეპუტატი, რატი იონათამიშვილი, საქართველოს მესამე პრეზიდენტის, მიხეილ სააკაშვილის უკრაინის ვიცეპრემიერად დანიშვნის შესახებ გავრცელეულ ინფორმაციას ეხმაურება.

იონათამიშვილის თქმით, არ არის გამორიცხული, რომ დღის წესრიგში დადგეს დიპლომატიური ურთიერთობის გადახედვის საკითხი, მიუხედავად იმისა, რომ ქვეყნებს შორის კავშირი ძალიან ძვირფასია.

"თუ მართლა დაინიშნა სააკაშვილი უკრაინაში ვიცეპრემიერად, ანუ ადამიანი, რომელიც არის ქართული მართლმსაჯულების მიერ ცნობილი დამნაშავედ და დღეს არის ძებნილი, ეს ცხადია, ძალიან დაამძიმებს საქართველოსა და უკრაინის ურთიერთობებს", - თქვა იონათამიშვილმა.