კორონავირუსით ინფიცირებული ჩინელი ექიმების კანის ფერი მკურნალობის განმავლობაში გაშავდა ( ვიდეო)

მსოფლიო - 14:56, 23 Apr, 2020

2639

ორი ჩინელი ექიმი, რომლებიც უხანში პაციენტების მკურნალობისას კორონავირუსით დაინფიცირდნენ, უკვე განიკურნენ, თუმცა ზემოხსენებულმა დაავადებამ მძიმე კვალი დაატყო მათ გარეგნობასა და ჯანმრთლობის მდგოამრეობას- ორივე მათგანის კანი გაშავდა მას შემდეგ რაც ისინი გამოჯანმრთელდნენ კოვიდ 19-ისგან. ამის შესახებ ინფორმაციას ავრცელებს NEW YORK POST-ი.

ექიმი ი ფენსა და ჰუ ვეიფენგს კორონავირუსი 18 იანვარს დაუდგინეს. ისინი თავიანთ სამსახურეობრივ მოვალეობას უხანის ცენტრალურ საავადმყოფოში ასრულებდნენ. მძიმედ დაავადებული მედიკოსები სასწრაფოდ გადაიყვანეს უხანის პულმონარულ საავადმყოფოში.

გავრცელებული ინფორმაციით, ექიმების კანის ფერის შეცვლა გამოიწვია იმ სპეციფიურმა პრეპარატმა, რასაც ასმევდნენ პაციენტებს მკურნალობის განმავლობაში.

„ამ ხნის მანძილზე როდესაც პირველად მოვედი გონს, ძალიან შემეშინდა მას შემდეგ, რაც შევიტყვე ჩემი მდგომარეობის შესახებ. ხშირად კოშმარები მესიზმრდებოდა“ - განაცხადა ექიმმა ჰუმ მედიასთან ინტერვიუში.

უროლოგი ჰუ ვეიფენგი უხანის საავადმყოფოში 99 დღის განმავლობაში იყო საწოლს მიჯაჭვული მკურნალობის დროს. გავრცელებული ინფორმაციით, მისი ჯანმრთლობის მდგომარეობა ახლაც ძალზე სუსტია- იგი განსაკუთრებით მას შემდეგ "დასუსტდა", რაც მედიკოსებმა დაიწყეს ორგანიზმის ჟანგბადით გაჟღენთვის სპეციალური თერაპიული კურსის გატარება, რომელიც 7 თებერვლიდან 22 მარტამდე გრძელდებოდა. პაციენტმა საუბარი მხოლოდ 11 აპრილიდან დაიწყო. ექიმები იმედოვნებენ, რომ მედიკოსთა კანის ფერი ბუნებრივს მას შემდეგ დაუბრუნდება, რაც ღვიძლი ნორმალურ ფუნქციონირებას დაიწყებს.