ჯანდაცვის მინისტრის განმარტებით, დღეს ინფიცირებულთა რიცხვი მხოლოდ 10-მდეა, ეს არ ნიშნავს, რომ პიკი გადავლილია.

მისი დღეს არსებული შეზღუდვები საშუალებას იძლევა, რომ სოციალური დისტანცირება უმკაცრესად დავიცვათ.

"დღეისათვის ჩვენ 420 დაფიქსირებული შემთხვევა გვაქვს და აქედან 107 გამოჯანმრთელებულია, გვყავს მხოლოდ 5 გარდაცვლილი. დინამიკაში იქნება ისეთი ტალღებიც, როცა გამოჯანმთელებულების რიცხვი უფრო მეტი იქნება, ვიდრე დაინფიცირებულების, რაც ძალიან მნიშვნელოვანი და კარგია.

ის, რომ რამდენიმე დღის წინ, დაინფიცირებულების რიცხვი 40-ს აღემატებოდა და დღეს, მხოლოდ 10-მდეა, ასეთი დინამიკა ამ ვირუსს, ზოგადად, ახასიათებს და ეს არ ნიშნავს იმას, რომ პიკი გადავლილია.

მესმის, რომ ყველა ძალიან გაღიზიანებულები ვართ და ეს არის ძალიან რთული, გვიჭირს გადაადგილება და ტრანსპორტი შეზღუდულია, მაგრამ ყველა ეს ღონისძიება არის სწორედ ის ინსტრუმენტი, რომელიც ჩვენ საშუალებას გვაძლევს სოციალური დისტანცირება უმკაცრესად დავიცვათ, რის შედეგადაც დღეს ჩვენ არ გვყავს 2000 და 500 პაციენტი, არამედ, მხოლოდ 305 პაციენტი გვყავს სტაციონარში" - აცხადებს მინისტრი