პირი, რომელიც შსს–მ „ნაციონალური მოძრაობის“ გორის ოფისის გაქურდვის ბრალდებით დააკავა, კოალიცია „ქართული ოცნების“ აქტივისტი და „რესპუბლიკური პარტიის“ წევრია.

ამის შესახებ ინფორმაციას და ეჭვმიტანილ გიორგი პაპიაშვილის ფოტოს, სადაც ის „ქართული ოცნების“ მაისურშია გამოწყობილი და კოალიციის მიერ მოწყობილ ერთერთ აქციაში მონაწილეობს.

„წინასწარი მოკვლევით დადგინდა, რომ "ერთიანი ნაციონალური მოძრაობის" გორის ოფისის გაძარცვის და დარბევის ფაქტზე ბრალდებულია კოალიცია "ქართული ოცნების" წევრი რესპუბლიკური პარტიიდან- გიორგი პაპიაშვილი“, – წერს „ერთიანი ნაციონალური მოძრაობის“ გორის ორგანიზაციის ოფიციალური გვერდი „ფეისბუქზე“.

შეგახსენებთ, რომ „ნაციონალური მოძრაობის“ გორის ოფისი გუშინ გაქურდეს. ოფისიდან, ძირითადად, ვიდეო და სხვა სახის ტექნიკა გაიტანეს.

გაქურდვის შესახებ ინფორმაციის გავრცელებას არაერთგვაროვანი რეაქცია მოჰყვა. „ქართული ოცნების“ მხარდამჭერები „ფეისბუქზე“ წერდნენ, რომ მსგავს ქმედებებს თავად „ნაციონალური მოძრაობა“ უწევს ორგანიზებას, რათა დევნილი და ცაგრული პარტიის იმიჯი შეიქმნას.

შსს–მ ქურდობაში ეჭვმიტანილი ქურდობის ფაქტიდან ცოტა ხანში დააკავა, თუმცა, ოფიციალურ განცხადებაში, სადაც, სხვა შემთხვევების მსგავსად, ეჭვმიტანილის ინიციალებია მითითებული, მის პარტიულ კუთვნილებაზე აღნიშნული არ არის.