ქობულეთის მერია სატენდერო პირობებს, სავარუდოდ, ერთ კომპანიას არგებს - საერთაშორისო გამჭვირვალობა საქართველო რეაგირებას ითხოვს

პოლიტიკა - 11:41, 23 Apr, 2020

541

საერთაშორისო გამჭვირვალობა - საქართველო ქობულეთის მერიის მხრეიდან ტენდერებისს, კომპანია ჯორჯიან სტოუნის ინტერესებს შესაძლო მორგებაზე საუბრობს.

ორგანიზაცია მიმართავს სახელმწიფო უსაფრთხოების სამსახურის ანტიკორუფციულ სააგენტოს ქობულეთისა და ბათუმის მუნიციპალიტეტების მიერ გამოცხადებული სახელმწიფო შესყიდვები მოიკვლიოს.

"მოიკვლიეთ ის ტენდერები, სადაც ჯორჯიან სტოუნი უკონკურენტოდ ან ტენდერებში სხვა მონაწილეების დისკვალიფიკაციის ხარჯზე იმარჯვებს. ასეთი სატენდერო პოლიტიკა კორუფციის რისკის შემცველია, თუ იმ გარემოებასაც გავითვალისწინებთ, რომ კომპანიის დირექტორი, ბადრი რომანაძე წლების განმავლობაში ქობულეთის მუნიციპალიტეტის თანამდებობის პირი იყო", - აღნიშნავენ საერთაშორისო გამჭვირვალობა საქართველოში.

მესამე სექტორის წარმომადგენლობა აცხადებს, რომ კომპანია კონკურენტების დისკვალიფიკაციის ხარჯზე იმარჯვებს ბათუმის ბულვარის შესყიდვებშიც. ორგანიზაცია წერს, რომ ჯორჯიან სტოუნის დირექტორი ქობულეთის მუნიციპალიტეტის არქიტექტურის სამსახურის ყოფილი უფროსი, ბადრი რომანაძეა.

ორგანიზაციის ინფორმაციით, ბადრი რომანაძის კომპანიის დირექტორად დანიშვნამდე ჯორჯიან სტოუნმა მხოლოდ ერთ ტენდერში გაიმარჯვა. ხოლო დირექტორად დანიშვნის შემდეგ ჯორჯიან სტოუნმა 2015 წლიდან 2019 წლის ჩათვლით, ქობულეთის მუნიციპალიტეტის მიერ გამოცხადებულ 27 ტენდერში გაიმარჯვა, ამასთან, გაუფორმდა გამარტივებული შესყიდვის (755 374 ლარის ღირებულების) ერთი ხელშეკრულება. საერთაშორისო გამჭვირვალობა წერს, რომ კომპანიამ ჯამში 18 809 434 ლარი მიიღო, რომლის 38%-ზე მეტი უკონკურენტო ტენდერებსა და პირდაპირ შესყიდვებზე მოდის.

საერთაშირისო გამჭვირვალობა საქართველოს ცნობით, 6 184 705 ლარის ღირებულების 7 ტენდერში კომპანია უკონკურენტოდ მონაწილეობდა, ხოლო 5 ტენდერში ჯორჯიან სტოუნმა კონკურენტი კომპანიების დისკვალიფიკაციის ხარჯზე გაიმარჯვა.