"ტაბულას" რედაქტორი თამარ ჩერგოლეიშვილი მიხეილ სააკაშვილის განცხადებას სოციალურ ქსელში გამოეხმაურა და პრეზიდენტის განცხადება სისულელედ შეაფასა. "სრული სისულელეა, რომ ეკონომიკური ზრდის ტემპის კლება ბათუმის ტექნოლოგიური უნივესიტეტის შენების გაჩერებამ გამოიწვია.

თუმცა ვინმეს ხომ უნდა დაებალანსებინა დღეს ხადური?", - წერს "ფეისბუქზე" ჩერგოლეიშვილი.

შეგახსენებთ, რომ გუშინ ეკონომიკის მინისტრმა ნოდარ ხადურმა ეკონომიკური პროგრესის არარსებობა სააკაშვილს დაუკავშირა, რასაც პრეზიდენტმა განცხადებით უპასუხა: "აქამდე მე ვიჯექი ამ სასახლეში და არანაირი ძალაუფლება არ მქონდა. ახლა ამ სასახლეშიც აღარ ვიქნები და ეტყობა ჩემი სული შეუშლით ხელს ეკონომიკის ზრდაში. რეალობა არის იმაში, რომ მე მინდა ეკონომიკა გაიზარდოს. საბოლოო ჯამში ჩვენ ზრდის ტემპს დავუბრუნდებით, მაგრამ წელს ჩვენ 11%-იანი ზრდა გვქონდა დაგეგმილი. ამისთვის ყველა წინაპირობა იყო. თბილისის შემოვლითი გზის პროექტი პრაქტიკულად დასრულებულია და არ უნდა შევაჩეროთ. არ უნდა შევაჩეროთ ლაზიკის პორტი, ბათუმის ტექნოლოგიური უნივერსიტეტი არ უნდა შეგვეჩერებინა. ეს რომ არ გაგვეკეთებინა, ეკონომიკური ზრდა არ შეჩერდებოდა. ამას დაემატა ის, რომ ჩვენს საერთაშორისო პოზიციებს, რეპუტაციას სამწუხაროდ პრობლემები შეექმნა. მე მაინც მიმაჩნია, რომ ეს პრობლემები დროებითია. იმედია მთავრობა თავის შეცდომებზე ისწავლის და გამოასწორებს ამას. მე ამაში მათ მხოლოდ წარმატებებს ვუსურვებ," - განაცხადა მიხეილ სააკაშვილმა.