შაბათ-კვირას კერძო ტრანსპორტით გადაადგილება შესაძლოა საერთოდ აიკრძალოს - შესაბამისი ინიციატივა თბილსის მერმა გააჟღერა.

კალაძე ამბობს, რომ ეს მხოლოდ იდეა არის და ამას "დახვეწა" დასჭირდება.

თბილისის მერის თქმით, აღნიშნული იდეა თბილისში საგანგებო მდგომარეობის დროს ჰაერის დაბინძურების მაჩვენებლის კლების შემდეგ გაჩნდა.

კალაძს საკითხზე საზოგადოების აზრი აინტერესებს და ამიტომ, ამ იდეასთან დაკავშირებით ინტერაქტივიც იქნება.

"როდესაც უკვე აღდგება მოძრაობა, როდესაც დაიწყებს მუშაობას შესაბამისი სამსახურები, გვაქვს ეგეთი იდეა და გვინდა, უბრალოდ, კითხვის სახით დავსვათ ეს ჩვენი იდეა და მაინტერესებს საზოგადოების მოსაზრება ამასთან დაკავშირებით: კვირაში ორი დღის განმავლობაში, მაგალითად, შაბათ-კვირა ხოარ გავაკეთოთ აკრძალვა კერძო ავტომობილების და დავტოვოთ მხოლოდ საზოგადოებრივი ტრანსპორტი, რო შესაძლებელი იყოს იმ აუცილებლობის პირობებში გადაადგილება თავისუფლად შეძლონ ადამიანებმა, როგორც ავტობუსებით, ასევე მეტროთი", - განაცხადა კალაძემ.