"ხელმწიფე და თავისი უფლისწული ვიდეოტინგიცით პასუხობენ ერს" - მიხეილ სააკაშვილის რეაქცია TikTok-ზე ბიძინა ივანიშვილის გამოჩენაზე

პოლიტიკა - 09:53, 22 Apr, 2020

1092

საქართველოს მესამე პრეზიდენტი მიხეილ; სააკაშვილი პორტალ ტიკტოკზე ბერასთან ერთად ბიძინა ივანიშვილის გამოჩენას ეხმიანება და წერს, რომ ხელმწიფე, თავის უფლისწულთან ერთად, ერს უნიჭო ვიდეოტინგიცით პასუხობს.

"აღდგომა არ მიულოციათ, ადამიანები გარდაიცვალნენ, ერთი სამძიმარი არ უთქვამთ, ამდენი ბიზნესი დაიხურა და არც შეუმჩნევიათ, ამდენი ადამიანი დარჩა უმუშევარი და დახმარება კი არა ნუგეში არ უთქვამთ, ამდენი ბავშვი დაიმშა და ერთი თეთრით არ დახმარებიან და რა უხარიათ?
ვინმემ შეიძლება მისაყვედუროს, მამა-შვილია და რასაც უნდათ თავის ოჯახში იმას გადაიღებენ და დადებენო!არა ბატონებო! ეს გახლავთ უაღრესად გულისამრევი ცინიზმის და რეალობისგან მოწყვეტის ნათელი და თან უნიჭო დემონსტრირება.

უმუშევრად და სრულიად უიმედოდ, ჩვენს თანამემამულეთა სასოწარკვეთილი უმრავლესობა, სახლებშია გამოკეტილი იმის შიშით, შვილებს რა აჭამონ და ამ დროს ხელმწიფე და თავის უფლისწული ვიდეოტინგიცით პასუხობენ ერს.
ოჯახი, რომელიც ბოლო 8 წელია თავის ხოშზე და კაპრიზებზე მართავს ჩვენს სიმწრით ნაშენებ, გაუბედურებულ ქვეყანას. ამას არ ჰქვია სახელმწიფო. ამას ჰქვია ოლიგარქია ყველაზე დამცინავი, შეურაცხმყოფელი ფორმით!
ფიქრობენ ალბათ, რაც მეტად გაღარიბდება ხალხი, მით უფრო ადვილად ვიყიდით ხალხის სულებსაც და მომავალსაც! მე პირადად ამას არ დავუშვებ!

საქართველოში მალე გათენდება! წყვდიადი დამარცხდება!ჯანმრთელობას და სულ მცირედ გამძლეობას გისურვებთ", - წერს მიხეილ სააკაშვილი "ფეუისბუქზე".