"სრულიად გაუგებარია ასე მოქმედება" - ოპოზიცია საგანგებო მდგომარეობის გაგრძელების შესახებ მიღებულ გადაწყვეტილებას მხარს არ დაუჭერს

პოლიტიკა - 19:55, 21 Apr, 2020

704

საგანგებო მდგომარეობის გახანგრძლივება და მანქანით გადაადგილების აკრძალვა-ოპოზიციაში აცხადებენ, რომ ეს არის გაუგონარი და აბსოლუტურად დაუსაბუთებელი გადაწყვეტილება.

ხელისუფლების ოპონენტების შეფასებით, სააღდგომო დღეებში, მაშინ როცა ნამდვილად იყო ინფექციის გავრცელების რისკი აღნიშნული შეზღუდვა იყო საჭირო. თუმცა ახლა რატომ აგრძელებს ხელისუფლება მსუბუქი მანქანებით გადაადგილების შეზღუდვას ეს გაუგებარი.
ოპოზიციაში ასევე აცხადებენ, რომ იმასაც, რომ ასეთ შემთხვევაში ხელისუფლება პოლიტიკური მოტივით მოქმედებს და ეს არასწორია. რაც შეეხება ანტიკრიზისლი გეგმის არწარდგენას, ეს მათთვის მოუღებელია.

"დაუყოვნებლივ უნდა გაუქმდეს შეზღუდვები მსუბუქი ავტომობილებით გადაადგილებასთან დაკავშირებით. ჩვენ ვხედავთ, რომ ჩამოყალიბდა კასტა, რომელსაც აქვს თავისუფალი გადაადგილების საშუალება და სავსეა ქუჩები ჩინოვნიკების, სასულიერო პირების მანქანებით და ასეთ ვითარებაში ჩვენი მოქალაქეები განიცდიან ძალიან დიდ დისკომფორტს."- აცხადებს ნაციონალური მოძრაობის წევრი, რომან გიოცირიძე.
"ევროპული საქართველოს" ლიდერი გიგა ბოკერია ამბობს, რომ საგანგებო მდგომარეობის 22 მაისამდე გაგრძელებას მისი პარტია მხარს არ დაუჭერს, რადგან მთავრობა ანტიკრიზისული გეგმის წარდგენას სწორედ თანხმობის მიღების შემდეგ აპირებს და არა მანამდე.

"სრულიად გაუგებარია ასე მოქმედება. პარასკევს წარმოვადგენთ [ეკონომიკურ ანტიკრიზისულ] გეგმასო და ხვალ უნდა მიიღონ პარლამენტის თანხმობა საგანგებო მდგომარეობის და ამ ძალიან მძიმე შეზღუდვების გაგრძელების თაობაზე, რომელიც გასაგებია, რომ ლეგიტიმურ მიზეზებს ეყრდნობა, მაგრამ მისი შესრულება სრულიად საზიანო იყო ქვეყნისათვის.

არაფერს არ უხსნიან დეპუტატებს, ამიტომ ჩვენ ამას მხარს ვერ და არ დავუჭერთ. მითუმეტეს, რომ ეს აბსოლუტურად აბსურდული შეზღუდვა მანქანების გადაადგილებაზე ყოველგვარი რაციონალური არგუმენტების გარეშე კვლავ გრძელდება” - განაცხადა გიგა ბოკერიამ.