"ძალიან ნანობს, განიცდის მომხდარს..."- რა უთხრა 50 წლის ქალის მკვლელობაში ბრალდებულმა პოლიციელმა ადვოკატს

სამართალი - 13:05, 21 Apr, 2020

1361

დაკავებულ პოლიციელს, რომლის მიერ უმისამართო გასროლილ ტყვიასაც 50 წლის თამარ გაბრიაძე ემსხვერპლა, ბრალს, სავარაუდოდ, დღეს წაუყენებენ.

სოსო გაბრიაძეს მისი ადვოკატი უკვე შეხვდა. უფლებადამცველი აცხადებს, რომ სიმართლეს არ შეესაბამება გავრცელებული ინფორმაცია, იმის შესახებ რომ პოლიციელმა ასევე სამართალდამცავთა თანდასწრებით გაოსროლა.

უფლებადამცევლის ინფორმაციით, დაახლოებით ოთხი პირი ნამდვილად ქეიფობდა გაბრიაძის სახლში თუმცა ცხრის წუთებისთვის დაიშალნენ, რის შემდეგაც გაბრიაძემ აივნიდან გაისროლა.

სამართალდამცავი დაზუსტებით ვერ ამბობს, ნამდვილად ემსხვერპლა თუ არა მის მიერ გასროლილ ტყვიას თამარ ანთელავა.

"მაკაროვის" სისტემის იარაღიდან გასროლილი ტყვიის ტრაექტორიის შესახებ კითხვები აქვს როგირც ადვოკატს ასევე გარდაცვლილი ქალის ოჯახს.

ადვოკატი ნუგზარ წერეთელი იარაღის მარკასა და მოდელზე ამ ეტაპზე არ საუბრობს. მისი თქმით, საკითხზე ბრალდებული არ გამოუკითხავს.

"ჩემი დაცვის ქვეშ მყოფი ძალიან ნანობს, განიცდის მომხდარ ფაქტს. აღიარებს რომ იარაღიდან ჰაერში გასროლა განახორციელა. თუმცა ამას რა შედეგი მოჰყვა და მოჰყვა თუ არა მის მიერ იარაღიდან გასროლას ქალბატონის გარდაცვალება, ამის დადგენას გამოძიებისგან ველოებით"- აცხადებს წერეთელი.

პროკურატურამ ვაჟა-ფშაველას გამზირზე, ბრმა ტყვიით ქალის მკვლელობის საქმეზე პოლიციელი სოსო გაბრიაძე დააკავა. უწყების ინფორმაციით, საქმეზე ჩატარებული გამოძიებით დგინდება, რომ ნასვამ მდგომარეობაში მყოფმა ს.გ.-მ საკუთარი საცხოვრებელი ბინის აივნიდან განახორციელა ცეცხლსასროლი იარაღიდან უმისამართო გასროლა. გასროლილი ტყვია თავის არეში მოხვდა მიმდებარე კორპუსში მცხოვრებ თ.ა.-ს, რის შედეგადაც ის გარდაიცვალა.