ადამიანებს დღეს უდგას კვების პრობლემა, ხალხი გარეთ გამოვა და რაც გაკეთდა წყალში ჩაიყრება

ადამიანებს დღეს უდგას კვების პრობლემა, ხალხი გარეთ გამოვა და რაც გაკეთდა წყალში ჩაიყრება - ეკონომისტები ხელისუფლებას მიმართავენ

პოლიტიკა - 10:41, 21 Apr, 2020

1334

ხელისუფლებისგან ანტიკრიზისული გეგმის წარდგენას ითხოვენ ეკონომისტები. ისინი განმარტავენ, რომ საჭიროა, როგორც ეკონომიკის მასტიმულირებელი გეგმა, ასევე მოსახლეობის მიზნობრივი ჯგუფებისთვის ფულადი დახმარები.

სპეციალისტები მიიჩნევენ, რომ სამსულიან ოჯახზე მინიმუმ 1000-ლარიანი დახმარება უნდა გაიცეს. ეკონომისტების განმარტებით, საგანგებო მდგომარეობის გამოცხადების შემდეგ უსამსახუროდ დარენილ მმოქალაქეებს საკვების ფული აღარ აქვთ, შესაბამისად ისინი მალე სახლებიდან გამოვლენ. სპეციალისტები ფიქრობენ, რომ თუ ხელისუფლებამ მასშტაბური სოციალური პოლიტიკის განხორციელება არ დაიწყო , ქვეყანა ამ გამოწვევას ვეღარ გაუძლებს.
"ხელისუფლებამ რომ ბიუჯეტის 1/14 გამოყოს სოცილურ პოლიტიკაზე, ამით შესაძლებელი იქნება დაახლოებით სამსულიან ოჯახს ხელისუფლებამ მისცეს 1000 ლარი. ამის რესურსი დღეს ბიუჯეტში არის. დღეს სახეზე გვაქვს, რომ ადამიანებს უდგათ კვების პრობლემა. მოსახლეობა გამოვა გარეთ. ის ნაწილი რაც გაკეთდა დავადების გავრცელების მმიმართულებით, წყალში ჩაიყრება" - აცხადებს ეკონომისტი ირაკლი ყიფიანი.
ეკონომისტი ზვიად ხორგუაშვილი კი აცხადებს, რომ მნიშვნელოვანია ხელისუფლებამ გადადგას რადიკალური ნაბიჯები, მისივე თქმით, დაპაუზებულმა ეკონომიკამ შეიძლება უფრო მეტი ადამიანი შეიწიროს, ვიდრე დღეს არსებულმა ვითარებამ.
"ეკონომიკური ვარდნაც მოიცავს იმას, რომ უფრო მეტი ადამიანი კვდება, შეიძლება, ამ დაპაუზებულმა ეკონომიკამ უფრო მეტი ადამიანი შეიწიროს. ამიტომ მთავრობამ რადიკალური ნაბიჯები უნდა გადადგას. მნიშვნელოვანია მიზნობრივი დახმარება, ასევე მნიშვნელოვანია ეკონომიკის მასტიმულირებელი ნაბიჯები და ეს ნაბიჯები უნდა გამოიხატებოდეს მკვეთრად უნდა შემცირდეს გადასახადები, როგორც მოქალაქეებისთვის, ისე მეწარმეებისთვის" - აცხადებს ეკონომისტი ზვიად ხორგუაშვილი.