მერაბიშვილმა არათუ იცოდა 26 მაისს განვითარებული მოვლენებისა და სისასტიკის შესახებ, არამედ სააკაშვილთან ერთად ათანხმებდა, თუ როგორ უნდა განვითარებულიყო მოვლენები.

ამის შესახებ თავდაცვისა და უშიშროების კომიტეტის თავმჯდომარემ ირაკლი სესიაშვილმა ტვ-3 -ის ეთერში გადაცემაში "დიდი პოლიტიკა" განაცხადა.

"როდესაც ნიანგის ცრემლებით გამოდიან ჩინოვნიკები, საზოგადოების წინ მონანიებას ცდილობენ თითქოს ინანიებენ ჩადენილ ქმედებებს და შემდგომ ადვოკატები და არასამთავრობო ორგანიზაციის წარმომადგენლები ცდილობენ კიდევ მათი ქმედებები გაამართლონ, გირჩევთ, რომ ეთერში ის ადამიანები მოიწვიოთ რომლებიც ამ სისტემით დასახიჩრდნენ.

ამ ყველაფერს, ამ უსამართლობას თვალს ადევნებდა სააკაშვილი, მერაბიშვილი, მინიმუმ მათ შეეძლოთ ჩარეულიყვნენ. მე მიმაჩნია რომ მერაბიშვილი სააკაშვილთან ათანხმებდა ყველაფერს", - განაცხადა ირაკლი სესიაშვილმა.