კანონმორჩილი იარაღის მოყვარულები: "ჩვენ გვზღუდავენ, მოკრიმინალო ტიპებს პოლიციაში იღებენ, იარაღს ურიგებენ და მათ ჩადენილ დანაშაულს მალავენ"

პოლიტიკა - 17:01, 20 Apr, 2020

925

კანონმორჩილი იარაღის მოყვარულები, რომლებიც სისტემატურად იღრმავებენ ცოდნას, აწყობენ სასროლეთს რეგისტრირებული ცეცხლსასროლი იარაღისთვის და გამოცდილებას უზიარებენ ერთმანეთს, "ფეისბუქზე" ეხმიანებიან ვაჟა ფშაველას გამზირზე მომხდარ ტრაგედიას და მოჰყავთ არასრული სტატისტიკა, სადაც იარაღთან გაუფრთხილებელი მოპყრობით გამოწვეული ლეტალური შედეგებია აღწერილი:

• წინა ხელისუფლების სპორტის მინისტრის, (რომელიც დარგობრივი სამინისტროა და პირდაპირ ეხება სასროლოსნო სპორტების განვითარება, უსაფრთხოებაზე ზრუნვა და ა.შ.) ლადო ვარძელაშვილის სახლში, ერთმა მეგობარმა მეორე მეგობარი შემთხვევითი გასროლით მოკლა.
სპორტის მინისტრის, (რომელიც დარგობრივი სამინისტროა და პირდაპირ ეხება სასროლოსნო სპორტების განვითარება, უსაფრთხოებაზე ზრუნვა და ა.შ.) ლადო ვარძელაშვილის სახლში, ერთმა მეგობარმა მეორე მეგობარი შემთხვევითი გასროლით მოკლა.

• 2018 წლის მაისში, წერეთელზე, ჩვემი სახლის თავზე, პოლიციელმა მოკლა მისი საყვარლის ყოფილი ქმარი ეჭვიანობის გამო და საყვარელი სასიკვდილოდ დაჭრა, ეს ყველაფერი 2 პატრულის თანამშრომლის თანდასწრებით მოხდა რომელიც დაზარალებულ ქალს ყავდა გამოძახებული.

• ლისის ტბის უკან, უსაფრთხო ადგილას, სადაც ვისროდით ხოლმე, პოლიციელმა მწყემსს ძროხა მოუკლა მხოლოდ იმიტომ, რომ აინტერესებდა რას უზავდა „AKშ“ -ის ტყვია ძროხას. წელსაც მოხდა დაახლოებთ იგივე ამბავი, მგონი ნაღმტყორცნი ესროლეს და დაჭრეს პირუტყვი. ამ ამბების შემდეგ იქ სროლა თითქმის შეუძლებელი გახდა.

• 1 წლის წინ პოლიციელმა ავტო საგზაო შემთხვევის მონაწილე წყვილი იარაღის (თუ სწორად მახსოვს Vძ58) მუქარითა და ჰაერში გასროლით დაჩაგრა და თავისი „სიმართლე“ „დაამტკიცა“

• 2019 წლის ოქტომბერში სამმა პოლიციელმა გაიტაცა 35 წლის კაცი, რუსთავში ქურდებს მიუყვანეს, რომლებმაც ის მოკლეს და მტკვარში გადააგდეს.

• 2020 წლის მარტში, საგანგებო მდგომარების პერიოდში, ახალქალაქში, მაჟორიტარმა დეპუტატმა ენზელ მკოიანმა, მიზანმიმართულად ადამიანთა ჯგუფის მიმართულებით ატეხა სროლა ხალხმრავალ ადგილას, პოლიციელების თანდაწრებით.

• 2020 წლის აღდგომას, მთვრალმა და მორწმუნე პოლიციელმა აღნიშნა აღდგომა და ისროლა საკუთარი სახლიდან იარაღი რომლის ტყვიასაც 350 მეტრის იქეთ, საკუთარ სახლში ტელევიზორთან მჯრადი ადამიანი ემსხვერპლა. თავიდან საქმე განზრახ მკვლელობის მუხლით აღძრეს და როცა გაირკვა, რომ პოლიციელის ჩადენილი იყო გადააკვალიფიცირეს გაუფრთიხლებლობაზე.

• წლევანდელი გუდაურის ამბავი, სადაც კაცი ჯერ მაქსიმალურად ცდილობს გაერიდოს ხელჩართლ ჩხუბს, შემდეგ იღებს იარაღს და ისვრის ფეხების მიმართულებით, ჭიდაობისას გასროლას კი 1 თავდამსხმელი შეეწირა. ეს კაცი დღეს ციხეში ზის განზრახ მკვლელობის ბრალდებით.
• წელსვე, პიკასოს ქუჩაზე ზამთარში მომხდარი ამბავი. სახლში მარტო მყოფ ადამიანს, რომელსაც ეძინა საკუთარ ლოგინში, თავს დაესხა დანით შეიარაღებული პირი, რომელმაც დაძინებულს მრავლობითი ჭრილობები მიაყენა, დაძინებულმა ბალიშის ქვემოდან აიღო იარაღი(ეტყობა ელოდებოდა თავდასხმას ამაგრამ ეს სხვა ისტორიაა) და რამოდენიმე გასროლით მოკლა თავდამსხმელი. დღეს ეს კაციც განზრახ მკვლელობის გამო ზის ციხეში.

ჩვენ კიდევ, დანაზე დაგვდევენ, ლულებს გვიზომავენ, ტყვიებს გვითვლიან, რელოუდინგს გვიშლიან და ა.შ. არადა ძალიან კარგად იცის ყველამ, რომ ჩვენ კარგად ვიქცევით, არაფერს არ ვაშავებთ, უსაფრთხოებაზე ყველაზე მეტს ვზრუნავთ, არავის არაფერს არ ვუმტკიცებთ, მხოლოდ საკუთარ ცოდნას და გამოცდილებას ვავითარებთ", წერს "ფეისბუქზე" ქართველი იარაღის მოყვარული.