"ეს ივანიშვილის ხელწერაა... სუს-ის ნასედკამ დაწვა შენობა"- სააკაშვილი ბიბლიოთეკის დაწვის უკან ოლიგარქის ინტერესებს ხედავს

პოლიტიკა - 16:17, 20 Apr, 2020

979

საქართველოს მესამე პრეზიდენტი მიხეილ სააკაშვილი მისი სახელობის საპრეზიდენტო ბიბლიოთეკაში გაჩენილ ხანძარს ეხმაურება და აცხადებს, რომ ეს "ივანიშვილის ხელწერაა".

„ივანიშვილს დიდი ხანი თვალში ეჩხირებოდა ეს ბიბლიოთეკა და მოხდა ის, რაც მოუვიდა კარფურის კონკურენტებს და იმ ტერიტორიებს, რომელსაც ივანიშვილის ოჯახი დაეპატრონა. ეს ხომ უკვე ივანიშვილის ხელწერაა. ახალგაზრდების მრავალი კვირის სამუშაო ამ სუს-ის მოგზავნილმა „ნასედკამ“ რამდენიმე წუთში დაასრულა. ამას რომ არ დაედო ვიდეო, მთავრობა იტყოდა, ეს ყველაფერი მოგონილია და სააკაშვილის ხალხმა თავად წაუკიდა ცეცხლი.

აღდგომა დღეს რომ ამას გააკეთებ, ეს კიდევ ცალკე სატანისტური რიტუალია. მთელ ქვეყანას უკიდია საფრთხე და ყველამ უნდა დავიცვათ ქვეყანა ჭკუიდან გადასული ოლიგარქისგან“, - განაცხადა სააკაშვილმა.

მამაკაცი, რომელმაც მიხეილ სააკაშვილის საპრეზიდენტო ბიბლიოთეკაში ხანძარი გააჩინა, ბაჩო ქათამაძეა.
ქათამაძემ 2020 წლის 30 იანვარს სასამართლოში "მთავარი არხის" გენერალურ დირექტორ ნიკა გვარამიას ფიზიკური შეურაცხყოფა მიაყენა. მაშინ, ფაქტთან დაკავშირებით, სამართალდამცავებმა 3 პირი გადაიყვანეს გამოკითხვაზე მათ შორის იყო ბაჩო ქათამაძეც, თუმცა ის არავის დაუკავებია.

ქათამაზე ფიგურირებდა მალხაზ მაჩალიკაშვილზე თავადსხმის საქმეში. მამაკაცმა რუსთაველზე გაშლილი კარვების აღება თვითნებურად სცადა და მაჩალიკაშვილის გარემოცვას ფიზიკურად გაუსწორდა.

ოპოზიციაში ამბობენ, რომ ბაჩო ქათამაძე წარსულში ნასამართლევია, თუმცა მას დღევანდელი ხელისუფლება მფარველობს და პოლიტიკურ დავალებებს აძლევს.

როგორც "ნიუპოსტმა" გაარკვია, ბაჩო ქათამაძემ რამდენიმე წლის წინ, ტყიბულში მამაკაცი დაჭრა, მაშინ ის პირობითი მსჯავრის ქვეშ ო,ყოფებოდა, თუმცა 2018 წელს, მოქალაქის დაჭრის გამო ქათამაძე არავის დაუკავებია და ის თავისუფლად გადადგილდებოდა.