სააკაშვილის საპრეზიდენტო ბიბლიოთეკის დირექტორი: "დამნაშავემ ხანძრის გაჩენის შემდეგ პირდაპირ ეთერში ანგარიში ჩააბარა დამკვეთებს, სახანძრო კი მის გაპრავებას ცდილობდა"

პოლიტიკა - 13:06, 20 Apr, 2020

1029

სააკაშვილის საპრეზიდენტო ბიბლიოთეკის დირექტორი დიმიტრი შაშკინი აცხადებს, რომ ხანძრის გაჩენის შემდეგ ბიბლიოთეკის შენობაში გამიოძახებულმა სახანძრო სამსახურის თანამშრომლებმა დამნაშავის "გაპრავება" სცადეს და თქვეს, რომ შენობის შუშები არა ბაჩო ქათამაძემ, არამედ თავად შეამტვრიეს.

შაშკინი აცხადებს, რომ კადრებში საპირისპირო ვლინდება და კარგად ჩანს, როგორ ამტვრევს შუშებს ქათამაძე.

სააკაშვილის საპრეზიდენტო ბიბლიოთეკის დირექტორი ამბობს, რომ მამაკაცმა დანაშაულის ჩადენის შემდეგანგარიში დამკვეთებს პირდაპირ ეთერში ჩააბარა .

"რასაც თქვენ ახლა ხედავთ ეს არის ის რეალური სურათი, სადაც ჩვენი ქვეყანაა. ადამიანი, ვინც დანაშაული ჩაიდინა, დღევანდელი ხელისუფლების სახეა. მან აქამდე სამი დანაშაული ჩაიდინა და აპატიეს. დარწმუნებული, ვარ რომ ამ შემთხვევაშიც იოლად გამოძვრება. ყველაფერი ეს კიდევ ერთხელ მიუთითებს იმ დაუსჯელობის სინდრომზე, რომელიც საქართველოში.

გარდა ამისა სერიოზული პრობლემაა, როცა განგაშის სიგნალი შევიდა დაცვის პოლიციაში და სახანძრო მოვიდა, მეხანძრეები გვიმტკიცებდნენ, რომ თითქოს შუშები თვითონ ჩაამტვრიეს. არადა კადრებში ჩანს რომ ქათამაძე თავად ამტვრევს შუშებს.

მთელს სახელმწიფო სისტემაში არის ეს სენი, რომ რიგითმა მეხანძრეებმაც კი დაიწყეს დამნაშავის გაპრავება, რადგან მათ ასეთი ბრძანება მიიღეს.

დღისით-მზისით, აღდგომის დღეს, მოვბიდა ადამიანი ჩაამტვრია შუშები დაწვა საკომფერენციო ოთახი, დაწვა ოთახი სადაც შაბათ-კვირას ზალიკო სამადაშვილი ბავშვებს წიგნებს უკითხავდა. ამის შემდეგ კი გახარებულმა ანგარიში ჩააბარა თავის მომხრეებს და დამკვეთებს. ეს საქართველოს რეალობაა"- განაცხადა დიმიტრი შაშკინმა.