ტრაგედია მომღერალ თიკა მახალდიანის ოჯახში - ახალგაზრდა ქალი პოლიციელის მიერ გასროლილმა ტყვიამ იმსხვერპლა?

შემთხვევა - 12:10, 20 Apr, 2020

3322

თბილისში, ვაჟა-ფშაველაზე გვიან ღამით დატრიალებული ტრაგედიის შესახებ ახალი დეტალები ხდება ცნობილი.
როგორც მოკლული ქალის, თამარ ანთელავას ახლობლები ამბობენ, მომღერალ თიკა მახალდიანის დედას ბრმა ტყვია დაახლოებით 600 მეტრიდან, კომენდანტის საათისას მოხვდა.

"მოპირდაპირე შენობიდან ისროლეს და ტყვია თავში მოხვდა. ყვალა სახლში იყო. ვიცი, რომ ერთი პირია დაკავებული"- აცხადებენ ადგილობრივები.

მათი თქმით, ქალი სასწრაფოს მანქანაში, საავადმყოფოში მიყვანამდე გარდაიცვალა.

ერთ-ერთი ვერსიით, ნუცუბიძის 26 ნომრიდან შინაგან საქმეთა სამინისტროს წარმომადგენელმა გაისროლა.

არსებული ინფორმაციით, სამართალდამცავები აღდგომას აღნიშნავდნენ.

შინაგან საქმეთა სამინისტროში "ნიუპოსტს" უთხრეს, რომ მომხდარზე საქმე ორი მუხლით არის აღძრული. გამოძიება სისხლის სამართლის კოდექსის 108-ე და 236-ე მუხლებით მიმდინარეობს, რაც განზრახ მკვლელობას და ცეცხლსასროლი იარაღის შეძენა-შენახვა-ტარებას ითვალისწინებს.

ჰყავს თუ არა შინაგან საქმეთა სამინისტროს მომხდარ ფაქტზე დაკავებული და ფიგურირებენ თუ არა საქმეში სამართალდამცავები ამას უწყებაში არ აკონკრეტებენ.