ვაჟა-ფშაველაზე, დედის თვალწინ მოკვდა შუახნის ქალი, რომელსაც ბრმა ტყვია მოხვდა: მიზეზი მთვრალი პოლიციელია

სამართალი - 09:25, 20 Apr, 2020

2980

სავარაუდოდ, სამართალდამცავთა თავშეყრა და ქეიფი გახდა ტრაგედიის მიზეზი, რომელიც ვაჟა-ფშაველას გამზირზე მოხდა: ბრმა ტყვიამ დედის თვალწინ მოკლა შუახნის ქალი, რომელიც შინ იმყიოფებოდა და ტელევიზორს უყურებდა.
დაღუპული ქალი ცნობილი მომღერლის, თიკა მახალდიანის დედა, თამუნა ანთელავაა. ბრმა ტყვიამ ფანჯრის მინა ჩაამსხვრია და ქალს თავში მოხვდა. ჭრილობა სასიკვდილო აღმოჩნდა. ქალი მე-8 სართულზე ცხოვრობდა.

წინასწარი ინფორმაციით, ტრაგედიის მიზეზი პოლიციელთა თავშეყრა და ქეიფია, რის შემდეგაც მოპირდაპირე კორპუსში მცხოვრებმა, სავარაუდად, ნასვამმა პოლიციელმა აივანზე რამდენჯერმე ჰაერში გაისროლა.

მომხდარს ენმ-ს პოლიტსაბჭოს ლიდერი ნიკა მელია გამოეხმაურა და "ფეისბუქზე" დაწერა, რომ კომენდანტის საათი ხელს არ უშლ;ის პოლიციელებს, ღრეობა მოაწყონ და უმისამართოდ გაისროლონ, რითაც უდანაშაულო მოქალაქეებს აგდებენ საფრთხეში:

"კომენდანტის საათია. ეს ხელს არ უშლით ღრეობის მოწყობაში შსს-ს თანამშრომლებს. არც იმაში, რომ გავიდნენ აივანზე და ცეცხლსასროლი იარაღიდან ჯერი გაუშვან.
და მერე რა ხდება?
როგორც იმ შორ და ბნელ 90-იანებში, ბრმა ტყვია კლავს მოპირდაპირედ, მერვე სართულზე მცხოვრებ უდანაშაულო ქალბატონს, რომელიც შინ, მშვიდად ტელევიზორს უყურებს. კლავს მოხუცი დედის თვალწინ.
ეს ხდება 2020 წელს, ვაჟა ფშაველას გამზირზე..."-წერს ნიკა მელია.