შსს-მ სააკაშვილის ბიბლიოთეკაში ხანძრის გაჩენისთვის ბესო ქათამაძე დააკავა

სამართალი - 00:10, 20 Apr, 2020

1243

მიხეილ სააკაშვილის საპრეზიდენტო ბიბლიოთეკაში ხანძრის გაჩენის ბრალდებით, პოლიციამ ბაჩო ქათამაძე დააკავა. ქათამაძემ, ფაქტი ფეისბუქლაივით გადაიღო და "ნაციონალურ მოძრობას" განადურებით ემუქრებოდა.
"გვირგვინი ჩემია...გადავბუგავ ყველაფერს, დედას მო@@#@@ ყველაფერს" - ამბობდა ქათამაძეს ფესიბუქლაივში.
როგორც "ნიუპოსტს" შს სამინისტროდან აცნობეს, მომხდარზე მიმდინაროებს ძიება სისხლის სამართლის კოდექსის 18ე მუხლის მეორე ნაწილის ა ქვეპუნქტით, რაც 3-დან 5 წლამდე პატიმრობას ითვალისიწნებს.
"შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1991 წელს დაბადებული, წარსულში ნასამართლევი ბ.ქ., ცეცხლის წაკიდებით ნივთის დაზიანების ან განადგურების ბრალდებით, თბილისში დააკავეს.

დანაშაული 3-დან 5 წლამდე ვადით თავისუფლების აღკვეთას ითვალისწინებს.

მიმდინარე წლის 19 აპრილს თბილისის პოლიციის დეპარტამენტის ვაკე-საბურთალოს სამმართველოს მე-5 განყოფილებაში შემოვიდა მოქალაქის შეტყობინება, რომ მ.სააკაშვილის სახელობის საპრეზიდენტო ბიბლიოთეკაში ხანძარი იყო.

შემთხვევის ადგილზე დაუყოვნებლივ გამოცხადდნენ სახანძრო-სამაშველო სამსახურის თანამშრომლები და სამართალდამცველები. პირველადი ინფორმაციით, ხანძრის შედეგად დაიწვა ბიბლიოთეკის პირველი სართული.

თბილისის პოლიციის დეპარტამენტის ვაკე-საბურთალოს სამმართველომ მომხდარ ფაქტზე გამოძიება საქართველოს სსკ-ის 187-ე მუხლის მე-2 ნაწილის "ა" ქვეპუნქტით დაიწყო.

პოლიციამ, ჩატარებული ოპერატიულ-სამძებრო და საგამოძიებო მოქმედებების შედეგად, ბ.ქ. ცხელ კვალზე დააკავა. საქმეზე დანიშნულია შესაბამისი ექსპერტიზები.

გამოძიება საქართველოს სსკ-ის 187-ე მუხლის მე-2 ნაწილის "ა" ქვეპუნქტით მიმდინარეობს, რაც ცეცხლის წაკიდებით ნივთის დაზიანების ან განადგურებას გულისხმობს" - ნათქვამია უწყების განცხადებაში.