"დენი ბიბლიოთეკაში გათიშული იყო, სადენები არ უნდა აალებულიყო, აუცილებლად დავადგენთ რა მოხდა ზუსტად" - მიხეილ სააკაშვილი "სააკაშვილის საპრეზიდენტო ბიბლიოთეკაში" გაჩენილ ხანძარს ეხმაურება

პოლიტიკა - 15:51, 19 Apr, 2020

1595

თბილისში, მიხეილ სააკაშვილის საპრზიდენტო ბიბლიოთეკაში ხანძარი გაჩნდა. მომხდარს სოციალურ ქსელში საქართველოს მესამე პრეზიდენტი, მიხეილ სააკაშვილი ეხმაურება და გამოძიებას ითხოვს.სააკაშვილის თქმით,იმ დროს როცა ხანძარიგაჩნდა დენი ბიბლიოთეკაში გათიშული იყო და ქუჩაში პრაქტიკულად არავინ არ იყო.
"დღეს დილით, როდესაც ქუჩაში პრაქტიკულად არავინ არ იყო და ხალხი დღესასწაულს აღნიშნავს, "სააკაშვილის საპრეზიდენტო ბიბლიოთეკის" პირველ სართულზე გაჩნდა ხანძარი და ეს იმ პირობებში, როდესაც დენი ბიბლიოთეკაში გათიშული იყო და სადენები პრინციპში არ უნდა აალებულიყო."სააკაშვილის საპრეზიდენტო ბიბლიოთეკა" ბოლო ხანებში ძალიან აქტიურია ნიღბების და სადეზინფექციო საშუალებების დარიგების კუთხით და ბევრჯერ მოხვდა ახალ ამბებში დარა თქმა უნდა, აღიზიანებს ქვეყნის "მფლობელებს"! იმედია, ეს ინციდენტი კარგად იქნება გამოძიებული, თუ ახლა არა, ამათი შემოდგომაზე მოშორების შემდეგ აუცილებლად დავადგენთ რა მოხდა ზუსტად." - წერს მიხეილ სააკაშვილი.
ცნობისთვის, ხანძარი ამ დროისთვის უკვე ლოკალიზებულია. ადგილზე 4 სამაშველო-სახანძრო ბრიგადა მუშაობდა.ხანძრის შედეგად არავინ დაშავებულა. დამწვარია საოფისე ინვენტარი.