თავდაცვის ყოფილი მინისტრის, ბაჩო ახალაიას მეუღლე, „ფეისბუქის“ საკუთარ გვერდზე იმ განვლილ ერთ წელიწადს აფასებს, რომელიც ბაჩო ახალაიამ პატიმრობაში გაატარა:

„დღეს 6 ნოემბერს ზუსტად ერთი წელი შესრულდა, რაც ბაჩო პოლიტიკური პატიმარია. ამ ერთი წლის შედეგები: თურმე ბაჩო მონსტრი არ ყოფილა. ყველა ლეგენდა და მითი დაიმსხვრა.

საზოგადოებამ რეალურად გაიცნო ბაჩო ახალაია. ხელისუფლების მზარდი ისტერიული შიში, რომელიც ყველაფერს აკეთებინებს იმისთვის, რომ ბაჩო გარეთ არ გამოვიდეს. გაძლიერებული ბაჩო ახალაია.

რეალურად გამოჩნდა ვინ ვინაა (ანუ ნიღბებმოხსნილი ადამიანები)

ჩემი სიმწრის ცრემლები და უზომოდ გამძაფრებული სიყვარულის და მონატრების გრძნობა.

წლინახევრის კესო, რომელსაც თავისი მამიკო ერთი წელია არ უნახავს.

არამგონია ეს ყოფილიყო ამ ხელისუფლების მიზანი, იმედები გაუცრუვდათ აშკარად", - წერს ნადარეიშვილი.