"ისტორიის ტრაგიკული ირონიაა, რომ სახელმწიფომ ქრისტეს ჯვარცმამდე ცოტა ხნით ადრეც დაიბანა ხელი, ზუსტად ისე, როგორც დღეს ჩვენი სახელმწიფო იქცევა"

"ისტორიის ტრაგიკული ირონიაა, რომ სახელმწიფომ ქრისტეს ჯვარცმამდე ცოტა ხნით ადრეც დაიბანა ხელი, ზუსტად ისე, როგორც დღეს ჩვენი სახელმწიფო იქცევა" - გრიგოლ გეგელია

პოლიტიკა - 18:31, 17 Apr, 2020

530

დღეს ქართული სახელმწიფო აცხადებს, მე არჩევნები მაქვს მოსაგები, რაც ახლა მოხდება, თქვენს თავს დააბრალეთო - ამის შესახებ პოლიტიკური გაერთიანება „ლელო საქართველოსთვის“ პოლიტსაბჭოს წევრმა გრიგოლ გეგელიამ განაცხადა.გეგელიას თქმით, მთავრობამ პილატეს მსგავსად "ხელები დაიბანა" და პასუხისმგებლბა ხალხს დააკისრა.
„ისტორიის ტრაგიკული ირონიაა, რომ სახელმწიფომ ქრისტეს ჯვარცმამდე ცოტა ხნით ადრეც დაიბანა ხელი, ზუსტად ისე, როგორც დღეს ჩვენი სახელმწიფო იქცევა. მაშინ, რომის საერო ხელისუფლების წარმომადგენელმა, პილატემ მართლმსაჯულება ხალხს გადაულოცა. მე ხელი დამიბანია, რაც ახლა მოხდება, თქვენზე იყოსო. ხალხმა კი ქრისტე ჯვარს აცვა. დღეს ქართული სახელმწიფო აცხადებს, მე არჩევნები მაქვს მოსაგები, რაც ახლა მოხდება, თქვენს თავს დააბრალეთო. რაც დღეს ხდება, ეს არის სახელმწიფოებრიობის სრული ატროფია. ამ კვაზი-სახელმწიფომ ვერ შეძლო თავისი სუვერენული უფლებების დაცვა, კანონის ყველას მიმართ თანაბრად აღსრულება, საზოგადოებრივი ჯანდაცვისთვის აუცილებელი მდგომარეობის უზრუნველყოფა. თავისი ბუნდოვანი რეგულაციებით მთავრობამ არც სიცხადე შემოიტანა, არც ნამდვილი უსაფრთხოება უზრუნველყო, არც პასუხისმგებლობა აიღო და ეკონომიკაც, უკვე სულს რომ ღაფავდა, კიდევ უფრო მეტად დააზიანა. ზოგი დიდძალი ჯარიმებით აზარალეს, ზოგს ლუკმა-პურის ბოლო წყარო შეუწყვიტეს, სხვებს კი იმავე საათებში ყველა თავისუფლება მიეცა. დღეს სახელმწიფომ და ეკლესიამ მთელი პასუხისმგებლობა საზოგადოებას შეატოვა,“ - განაცხადა გრიგოლ გეგელიამ.