ეკონომიკისა და მდგრადი განვითარების მინისტრი ამბობს, რომ მომავალი კვირიდან იმ კომპანიების შემოწმებას იწყებენ, რომლებიც ონლაინ ვაჭრობით არიან დაკავებული.

ნათია თურნავას განცცხადებით, ონლაინ ვაჭრობა იქნება პრიორიტეტი, როდესაც დაიწყება ეკონომიკის ამოქმედება.

„შემდეგ კვირაში ჩვენ პრიორიტეტულად დავიწყებთ სწორედ ონლაინ ვაჭრობაზე მომუშავე კომპანიების მონიტორინგს და შემოწმებას, რაც შესაძლებლობას მოგვცემს, უფრო სწრაფად, ხარისხიანად შევამზადოთ ეს სექტორი იმ მომენტისთვის, როდესაც ჩვენ ყველა ერთად დავიწყებთ ეკონომიკის ამოქოქვას და მათ უსაფრთხო საქმიანობის შესაძლებლობა ექნებათ“,-აცხადებს ნათია თურნავა.