საოკუპაციო რეჟიმის წარმომადგენლებმა ქარელის რაიონში ე.წ. საზღვრის სადემარკაციო სამუშაოები განაახლეს.

სოფელ ტახტიძირში, ადგილობრივების განცხადებით, ოკუპირებულ ტერიტორიაზე 10-მდე ჰექტარი მიწის ფართობი ოკუპირებულ ტერიტორიაზე ექცევა. ოკუპანტებმა ამ დროისთვის მხოლოდ რკინის ძელების მონტაჟი შეძლეს, ადგილზ მობილიზებულია პოლიცია.

ფაქტი „ნიუპოსტთან“ სახელმწიფო უსაფრთხოების სამსახურშიც დაუდასტურეს.

“მიმდინარე წლის 17 აპრილს რუსეთის საოკუპაციო ძალების წარმომადგენლებმა ქარელის მუნიციპალიტეტის სოფელ ტახტისძირის მიმდებარედ განახორციელეს უკანონო ე.წ. ბორდერიზაციის პროცესი. აღნიშნულის შესახებ გააქტიურებულია ცხელი ხაზი, ინფორმირებულია ევროკავშრის სადამკვირვებლო მისია და ჟენევის თანათავმჯდომარეები. მსგავსი უკანონო აქტივობები, მნიშვნელოვნად აზიანებს ადგილზე არსებულ უსაფრთხოების გარემოს და ადგილობრივების ყოველდღიურობას“, - აცხადებენ სუს-ში.