"არაფერი ირღვევა, თუ აღდგომა დღეს და მომდევნო დღეებშიც არ გავალთ საფლავზე" - საპატრიარქო საზოგადოებას სასაფლაოებზე გასვლისგან თავის შეკავებისკენ მოუწოდებს

პოლიტიკა - 21:49, 15 Apr, 2020

831

არაფერი ირღვევა, თუ აღდგომა დღეს და მომდევნო დღეებშიც არ გავალთ საფლავზე - ამის შესახებ საქართელოს საპატრიარქოს საზოგადოებასთან ურთიერთობის სამსახურის თავმჯდომარე ანდრია ჯაღმაიძე აცდახებს.

მისი თქმით, აღდგომა დღეს სასაფლაოებზე გასვლა წარმოადგენს ხალხურ ტრადიციას და არ არის საეკლესიო კანონიკით გათვალისწინებულ ქმედება.

„ასევე აღსანიშნავია სასაფლაოზე გასვლის საკითხიც. აღდგომა დღეს სასაფლაოზე გასვლა არ წარმოადგენს საეკლესიო კანონიკით გათვალისწინებულ ქმედებას, ეს უფრო ხალხური ტრადიციის დონეზე შემორჩა დღევანდელ დღეს. ამიტომ აქაც არაფერი ირღვევა, თუ აღდგომა დღეს და მომდევნო დღეებშიც, იმ შეზღუდვების გათვალისწინებით, რასაც ხელისუფლება გვიწესებს, არ გავალთ საფლავზე. ჩვენ ყველა მადლიერებით უნდა შევუდგეთ ამ საქმეს, რასაც ჩვენ ექიმების და სახელმწიფოს სხვადასხვა სტუქტურების მხრიდან ვხედავთ. ასევე მადლობა ღმერთს იმისთვის, რომ აღდგომის დღესასწაულზე ჩვენ არ გვაქვს სრული კარანტინი და უფრო რთული ვითარება. ამიტომ ვფიქრობ, მორწმუნე ადამიანებისთვის ეს უნდა იყოს ძალიან დიდი შეღავათი და სამადლობელი ყველასთვის, რომ ჩვენ შევძლებთ მსახურების აღსრულებას“, - განაცხადა ანდრია ჯაღმაიძემ.