ევროკავშირის ელჩი საქართველოში, კარლ ჰარცელი ოქრუაშვილისთვის 5-წლიანი პატიმრობის მისჯას ეხმაურება.

იგი აცხადებს, რომ პარტია "გამარჯვებული საქართველოს" დამფუძნებლის ირაკლი ოქრუაშვილის საქმის განაჩენი პოლიტიკური პოლარიზაციის გაზრდის რისკებს შეიცავს.

"ირაკლი ოქრუაშვილის საქმის გარემოებები ხელს არ უწყობს ნდობის მშენებლობას იმ ისტორიული პოლიტიკური შეთანხმების გარშემო, რომელსაც ყველა ძირითადმა პოლიტიკურმა პარტიამ მიაღწია 8 მარტს და აღძრავს კითხვებს 2019 წლის 20 ივნისის მოვლენების შემდგომი ქმედებების მიუკერძოებლობასთან დაკავშირებით [...] მოვუწოდებთ ყველა მხარეს 8 მარტის შეთანხმების ერთგული დარჩეს", - განაცხადა ჰარცელმა.