ახალი საქართველოს ლიდერი გიორგი ვაშაძე ირაკლი ოქრუაშვილისთვის პატიმრობის შეფარდებაზე აშშ-ის საელჩოს განცხადებას ეხმაურება.

მისი თქმით, ქართულმა ოცნებამ კიდევ ერთხელ სცადა თაღლითობა და აჩვენა საკუთარი სახე, თუ როგორ სარგებლობს კორონავირუსით გამოწვეული კრიზისით.

"ახლა ფიქრობს, რომ საერთაშორისო საზოგადოება მოდუნებულია, არავინ ყურადღებას არ მიაქცევს. ეს ძალიან მკაფიო განცხადებაა აშშ-ის საელჩოს მხრიდან, რომელიც მიუთითებს ყველა მხარეს, რომ შეთანხმება უნდა იყოს შესრულებული.

ნუ თაღლითობთ, დროა უკვე, შეასრულოთ თქვენივე ნაკისრი ვალდებულებები. არ გეგონოთ, რომ კორონავირუსის გამო გაგივათ,"- თქვა გიორგი ვაშაძემ.

საქართველოში აშშ-ის საელჩო განცხადებას ავრცელებს და აღნიშნავს, რომ აშშ შეშფოთებულია ირაკლი ოქრუაშვილის განაჩენის გამო. "პოლიტიკური ჩარევა და შერჩევითი სამართლის გამოყენება" - ეს ის პოლიტიკური შეფასებებია, რასაც აშშ-ის საელჩო განცხადებაში იყენებს.