150 ლარი უმუშევრად დარჩენილებს: "დარჩი სახლში, ეს უნდა იყოს გადარჩენის ღონისძიება და არა განაჩენის"- ოპოზიციას კითხვები აქვს

პოლიტიკა - 14:39, 14 Apr, 2020

983

საქართველოს ხელისუფლება საკუთარ მოქალაქეებს დასცინის - ასეთი მწვავეა ოპოზიციის შეფასება ხელისუფლების იმ გადაწყვეტილების შეფასებისას, რომლის მიხედვითაც მოქალაქეებს, რომლებმაც სამსახური დაკარგეს, 150 ლარს დაურიგებენ.

ხელისუფლების ოპონენტების თქმით, აღნიშნული თანხა საარსებო მინიმუმზე დაბალია და ოჯახის მოთხოვნას ვერ უპასუხებს.
"დარჩი სახლში" უნდა იყოს გადარჩენის ღონისძიება და არა განაჩენის ღონისძიება იმ ადამიანიბის მიმართ, რომლებმაც არ იციან როგორ გამოკვებონ ოჯახები. ეს ადამიანები იძულებულები არიან ლუკმა-პურის საშოვნელად გარეთ გამოვიდნენ.
ჩვენი მოთხოვნაა, პირველ რიგში სწორედ ამ ადამიანებს დაეხმარონ , აქ საუბარი არ არის მხოლოდ კომუნალურების გადახდაზე, აქ არ არის საუბარი მხოლოდ გაჭირვებული ადამიანებითვის ინტერნეტის გადასახადებზე, რომ ბავშვებმა ონლაინ გაკვეთილებზე დასწრება მოახერხონ, აქ არ არის საუბარი მხოლოდ და მხოლოდ სურსათის ვაუჩერზე, რომელიც მნიშვნელოვანია ამ ადამიანებისთვის, აქ არის საუბარი დამატებით სამედიცინო ვაუჩერზე წამლებთან დაკავშირებულ საკითხებზე, აქ არის საუბარი იმ თანხების გაცემაზე, რომელიც ოჯახებს გადააატანინებს ამ ვირუსს"- აცხადებს ზურაბ მელიქიშვილი.
ცნობისთვის, ხელისუფლების მიერ შედგენილ სიაში ვერ მოხვდებიან თვითდასაქმებულები, რომლებიც კორონავირუსის პანდემიის გამო შემოსავლის გარეშე დარჩნენ.
50 ლარიან დახმარებას მიიღებენ ის ადამიანები, ვინც საშემოსავლო გადასახადს იხდის, დახმარების ოდენობა კი საარსებო მინიმუმზე 50 ლარით ნაკლებია.