"ნუ ეფარებით ექიმებს ზურგს უკან, თქვენ არ ასრულებთ თქვენ მიერვე მიღებულ კანონს საგანგებო მდგომარეობის შესახებ"

"ნუ ეფარებით ექიმებს ზურგს უკან, თქვენ არ ასრულებთ თქვენ მიერვე მიღებულ კანონს საგანგებო მდგომარეობის შესახებ" - რომან გოცირიძე

პოლიტიკა - 19:50, 13 Apr, 2020

617

თქვენ არ ასრულებთ თქვენ მიერვე მიღებულ კანონს საგანგებო მდგომარეობის შესახებ - ამის შესახებ ფრაქცია „ნაციონალური მოძრაობის“ თავმჯდომარე რომან გოცირიძემ ბიუროს სხდომაზე ისაუბრა. მან მმართველი გუნდი ორმაგი სტანდარტით მოქმედებაში დაადანაშაულა.
„რაც შეეხება იმას, რომ თითქოსდა ჩვენ არ მოგვწონს ის შედეგები, რაც არის ვირუსთან ბრძოლის მიმართულებით, არასდროს ეს არ გვითქვამს და ყოველთვის მადლიერებას გამოვხატავთ იმ ადამიანების მიმართ. ექიმებს და რისკის ზონაში მყოფ ადამიანებს განსაკუთრებული პრემიები ეკუთვნით, როცა ვირუსზე გავიმარჯვებთ, მაგრამ ბატონო არჩილ, ჩვენზე უკეთეს მდგომარეობაში იყო სომხეთი და ერთმა ქორწილმა, ჯვრისწერამ, რომელსაც 300 კაცი ესწრებოდა, ააფეთქა ქვეყანა. თქვენ, მთავრობა თვალს ხუჭავთ, ორმაგი სტანდარტით მოქმედებთ და მაშინ თქვენ პასუხი უნდა აგოთ ხალხის წინაშე, ნუ ეფარებით ექიმებს ზურგს უკან. თქვენ პოლიტიკური მოსაზრებებით არ ასრულებთ თქვენ მიერვე მიღებულ კანონს საგანგებო მდგომარეობის შესახებ. ორმაგი სტანდარტით მოქმედება ქვეყანას ძვირად დაუჯდება, ნუ ეთამაშებით ჩვენი მოქალაქეების სიცოცხლეს და ჯანმრთელობას“, - განაცხადა რომან გოცირიძემ.