ვფიქრობ, ოპოზიციისთვის კარანტინის რეჟიმში ყოფნის დრო ამოიწურა - ბაჩუკი ქარდავა ირაკლი ოქრუაშვილის განაჩენს ეხმიანება

პოლიტიკა - 16:52, 13 Apr, 2020

691

ედპ-ს ლიდერი ბაჩუკი ქარდავა ირაკლი ოქრუაშვილის განაჩენს ეხმიანება (სასამართლომ თავდაცვის ყოფილ მინისტრს დღეს 5 წლით თავისუფლების აღკვეთა მიუსაჯა) და წერს, რომ მსჯავრდებულის ამპლუაში ოქრუაშვილს სულ რამდენიმე თვე მოუწევს ციხეში ჯდომა.

ბაჩუკი ქარდავა ასევე წერს, რომ ოპოზიციისთვის უკვე ამოიწურა კარანტინის რეჟიმში ყოფნის ვადა:
"ვფიქრობ, ოპოზიციისთვის კარანტინის რეჟიმში ყოფნის დრო ამოიწურა!ირაკლი ოქრუაშვილს, დარწმუნებული ვარ, 5 წლის ნაცვლად თვეები მოუწევს ჯდომა ბიძინას საპყრობილეში, რადგან ამ ხელისუფლებას, რა ხერხსაც არ უნდა მიმართონ, თუნდაც ეპიდემიის პირობებში, დიდი დღე არ უწერია. თავად გადაწყვეტილება, რომელიც დღეს ივანიშვილის ჯიბის სასამართლომ გაახმოვანა, მეტყველებს შემდეგზე: პირველი ის, რომ ივანიშვილი ეპიდემიასაც კი პირადი მიზნებისთვის გამოიყენებს და იყენებს კიდეც; მეორე - ოლიგარქი აიგნორებს საერთაშორისო პარტნიორებთან დადებულ პირობას, და მესამე - მის სიტყვას ფასი და წონა არ აქვს, ის უბრალოდ გადამგდებია, რომელსაც შესაბამისად უნდა გაეცეს პასუხი და ასეც მოხდება!", - წერს ბაჩუკი ქარდავა.