ვის ენიჭება უპირატესობა უცხოეთიდან საქართველოში დასაბრუნებელ რეისებზე - საგარეო საქმეთა მინისტრის, დავით ზალკალიანის განმარტებით, უცხო ქვეყნებში ჩარჩენილი საქართველოს მოქალაქეების დასაბრუნებლად სამინისრო გარკვეული კრიტერიუმებით ხელმძღვანელობს. უპირატესობა ენიჭებათ ისეთ პირებს რომლებსა:

ჰქონდათ ნაყიდი ქვეყანაში დასაბრუნებელი ბილეთები და ფრენების გაუქმების გამო ვერ შეძლეს დაბრუნება,

• ჯანმრთელობის მძიმე მდგომარეობის მქონე პირებს,
• ორსულებს,
• ხანდაზმულებს,
• ოჯახებს მცირეწლოვანი ბავშვებით,
• სტუდენტებს, რომლებსაც შეუწყდათ სტიპენდია და დაფინანსება,
• პირებს, რომლებიც დარჩნენ თავშესაფრისა და პირველადი საჭიროების შესაძლებლობის გარეშე,
• პირებს, რომლებიც ავტოსატრანსპორტო საშუალებით აპირებდნენ დაბრუნებას და საზღვრების დაკეტვის გამო ვერ შეძლეს.

მინისტრმა ასევე აღნიშნა, რომ მოქალაქეების დასაბრუნებლად დამატებითი რეისები დაინიშნა. კერძოდ:

• 30 აპრილი — თბილისი-მადრიდი-თბილისი;
• 2 მაისი — თბილისი-პრაღა-თბილისი.