რა შემთხვევაში მოიხსნება შეზღუდვები და რა პირობას აყენებს ხელისუფლება

რა შემთხვევაში მოიხსნება შეზღუდვები და რა პირობას აყენებს ხელისუფლება - თალაკვაძის განცხადება

პოლიტიკა - 15:56, 13 Apr, 2020

766

პარლამენტის თავმჯდომარე აცხადებს, რომ იმ შემთხვევაში, თუ საგანგებო მდგომარეობის პირობებში დადგენილი წესები შესრულდება, მაისიდან შეზღუდვების მოხსნა, სავარაუდოდ, შესაძლებელი იქნება.

განცხადება თალაკვაძემ ბიუროს სხდომაზე გააკეთა, რომელიც დღეს პარლამენტში ჩატარდა.

"თითოეული მოქალაქის მიერ პასუხისმგებლობის გააზრება და ამ წესების დაცვა. მხოლოდ ეს შეიძლება იყოს იმის წინაპირობა, რომ საქართველომ გავრცელების შემდეგ ეტაპზეც დაბალი მრუდი შეინარჩუნოს. სხვა ნებისმიერ შემთვევაში, თუ უგულებელვყოფთ ამ წესებს და არ დავეხმარებოთ ჩვენი ჯანდაცვის სისტემას, მგონი ყველასთვის ნათელია, რომ გარდაუვალი იქნება მაღალი გავრცელების პიკი, რაც დარტყმის ქვეშ დააყენებს ჩვენი ჯანდაცვის სისტემას და მომეტებულ საფრთხეს შეუქმნის მოქალაქეებს.

რაც უფრო მეტად დავიცავთ წესებს, ეს იქნება წინაპირობა იმის, რომ მით მალე დავუბრუნდებით ჩვენი საზოგადოება და ქვეყანა ცხოვრების ნორმალურ რეჟიმს, რომელიც კორონავირუსის პანდემიის დაწყებამდე იყო. თუ ეს პირობები შესრულდება, განუხრელად ყველა მოქალაქე დავეხმარებით ჯანდაცვის სამსახურებს, რომ ეფექტურად იყოს მართული ვირუსის გავრცელების შემდეგი ეტაპი, სადაც პიკი არის მოსალოდნელი, შევძლებთ, რომ სავარაუდოდ მაისიდან დავიწყოთ ზომების მოხსნა ეტაპობრივად იმ მოცემულობით, რის საშუალებასაც რეალური და მიმდინარე მონაცემები მოგვცემს", - განაცხადა თალაკვაძემ.