6 ნოემბერს 17 საათზე თსუ-ს პირველი კორპუსის 317-ე  ოთახში ჩატარდება გაზეთ ,,ლიტერატურული საქართველოს“ 77-ე საიუბილეო თარიღთან დაკავშირებული საღამო. ღონისძიებაზე გაიმართება ქართველი პოეტებისა და  მუსიკოსების შემოქმედებითი საღამო.

საღამოზე მოწვეულნი არიან სტუმრები საქართველოს კულტურისა და ძეგლთა დაცვის სამინისტროდან, საქართველოს მწერალთა ეროვნული აკადემიიდან, მეცნიერებათა ეროვნული აკადემიდან. ასევე ცნობილი მწერლები: გივი ალხაზიშვილი, ტარიელ ჭანტურია, თამაზ წივწივაძე და ა. შ.

,,ლიტერატურული საქართველო“, რომელიც აღადგინა საქართველოს კულტურისა და ძეგლთა დაცვის სამინისტრომ საქართველოს ისტორიაში ყველაზე მაღალტირაჟიანი და პოპულარული გამოცემა იყო წლების მანძილზე. ამჯერად, ის კვლავ პირველ ადგილს იკავებს ლიტერატურულ გამოცემებს შორის ტირაჟით. მას იმდენად დიდი პოლიტიკური გავლენა ჰქონდა საზოგადოებაზე, რომ 8 წლის წინ ნაციონალური მოძრაობის დაკვეთით მოხდა მისი რედაქციის სპეცრაზმის მიერ დარბევა.

საღამოზე მოწვეული არიან პოეტები და მუსიკოსები: გიორგი ძამუკაშვილი, თორნიკე ჭელიძე, ბექა ახალაია, მერაბ არაბული, ლექსო დორეული, დიმიტრი ბახუტაშვილი, ოთარ ჯირკვალიშვილი, ოთარ ფალიანი, ხვიჩა ყალაბეგაშვილი, ლევან მაისურაძე, შორენა კოტორაშვილი, გიორგი არაბული, გიორგი ფირცხალაიშვილი, ბექა ყორშია, გეგა ოდიშელი, მალხაზ არჩვაძე.

საღამო ტარდება თსუ-ს თვითმმართველობის, კულურის სამინისტროს, არტ ინფო საქართველოს და გაზეთ ,,ლიტერატურული საქართველოს“ ეგიდით.