თუ თვითიზოლაციაში თქვენს პარტნიორთან ერთად ხართ, მეტი დრო გაქვთ მეტი სექსისთვის. რატომაც არა? ეს სასიამოვნოა, გასართობი, ამცირებს სტრესს, აუმჯობესებს თქვენს გულისცემას - ყველაფერი, რაც კარგია შფოთვის, მოწყენილობის და დაღლილობის დასაძლევად. თუმცა რამდენად სასარგებლოა ის ახალი კორონავირუსის დროს? როგორც იცით, ახალ კორონავირუსთან საბრძოლველად მნიშვნელოვანია ძლიერი იმუნიტეტი. აძლიერებს თუ არა სექსი იმუნურ სისტემას?

არაერთი კვლევის მიხედვით სექსი აძლიერებს თქვენს იმუნიტეტს. ადამინებს, რომლებსაც უფრო ხშირად აქვთ სექსი - კვირაში ერთხელ ან ორჯერ - იმუნოგლობულინის დონე ორგანიზმში უფრო მეტი აქვთ ანუ მოლეკულების, რომელიც წარმოიქმნება ერითროციტებისგან და რომელიც კრიტიკული მნიშვნელობისაა იმუნური სისტემისთვის. ამას ერთ-ერთი კვლევა ადასტურებს, თუმცა ავტორებს ფიზიკური აქტივობები არ გაუთვალისწინებიათ. არსებობს კვლევები, რომელიც ამტკიცებს, რომ იმუნოგლობულინის ზრდას ფიზიკური დატვირთვა უწყობს ხელს.

სექსი გეხმარებათ უკეთ ძილშიც. ის საუკეთესო საშუალებაა ადამიანების რელაქსაციისთვის. თუმცა, თუ თქვენ არ გაქვთ ხშირი სექსი, არც ამაზე იდარდოთ. ახალ კორონავირუსს ხელების ხშირი დაბანვით, ცე ვიტამინით მდიდარი საკვების მიღებით და რეგულარული ვარჯიშებით ებრძოლოთ.