ქობულეთის მუნიციპალიტეტის 4-ადმინისტრაციულ ერთეულში გვარაში, მუხაესტატეში, ლეღვაში და წყავრუკაში შემოდის სპეციალური რეჟიმი და მკაცრი საკარანტინო შეზღუდვები წესდება. ამის შესახებ პრემიერ-მინისტრის პრესსპიკერმა, ირაკლი ჩიქოვანმა მთავრობის ადმინისტრაციაში ბრიფინგზე განაცხადა.

მისი თქმით, „საკმაოდ ფართე წრეა კონტაქტების და ამიტომ უწევთ, მიმართონ სპეციალურ ღონისძიებებს“.

„გვარაში, მუხაესტაეტეში, ლეღვასა და წყალრუკაში აკრძალულია შესვლა და გამოსვლა. ადგილზე ამ რეჟიმის აღსრულებას უზრუნველყოფენ შსს-ს და თავდაცვის ძალები. ისევე როგორც სხვა საკარანტინო შეზღუდვების პირობებში, მოქალაქეებს სახლიდან გამოსვლა შეეძლებათ მხოლოდ იმ შემთხვევებში, როგორც ისინი საჭიროებენ პროდუქტის, ან მედიკამენტის შეძენას, ან სამედიცინო მომსახურების მიღებას“.