"იმედია დაგვიანება ძვირად არ დაგვიჯდება" - ექსპერტი მაღალი რისკ ჯგუფების ტესტირებაზე

პოლიტიკა - 17:27, 10 Apr, 2020

695

ექიმების შემდეგ აგრესიული ტესტირებას ჯარში და პოლიციაში გაივლიან.

როგირც ჯანდაცვის მინისტრმა თქვა, ჟურნალისტები რისკჯგუფში ჯერ არ შედიან, შესაბამისად მათი ტესტირება ამ ეტაპზე არ იგეგმება.

აგრესიული ტესტირების დაწყების დაგვიანებაზე საუბრობენ ჯანდაცვის ექსპერტები. სპეციალისტთა შეფასებით, სავალდებულოა მკაცრად კონტროლდებოდეს ის თუ როგორ ასრულებენ კლინიკები ჯანდაცვის რეკომენდაციებსა და სავალდებულო რეგულაციებს.

„ის ზომები რაც შემოღებულია იმათი შესრულებაა საჭირო. იწერება პროტოკოლები, გადაეცემა ორგანიზაციებს, მაგრამ ვერ ვხედავთ რამდენად კარგად გაიგეს, რამდენად სრულდება ეს რეკომენდაცია თუ სავალდებულო პროტოკოლი. ამდენად გამკაცრებაზე კი არ უნდა იყოს საუბარი, არამედ შესრულებაზე. მე ვერ ვხედავ საველე ჰოსპიტალების გაშლის საჭიროებას ეს საკმაოდ დიდ ხარჯია და რაც მთავარია ვინ უნდა იმუშაოს ამ საველე ჰოსპიტალში“,-აცხადებს ვატო სურგულაძე.

ექსპერტების შეფასებით სახელმწიფომ მაღალი რისკ ჯგუფების ტესტირება დააგვიანა, .

„ძალიან ყურადღებით უნდა ვადევნოთ თვალი ციფრებს და თუნდაც ერთი განსხვავებული შემთხვევის შემთხვევაში უნდა გავამკაცროთ ზომები. ეს კარანტინის ზომები კარგია, მაგრამ უნდა ვიზრუნოთ იმ კარანტინის ზომების შესრულებაზე რაც გვაქვს. ჩემი აზრით, დღეს გადაწყვეტილება რომ არ გამკაცრდეს იზოლაცია სწორია, მაგრამ ეს შეიძლება შეიცვალოს. კარგია, რომ გვეღირსა და დაიწყო მაღალი რისკ ჯგუფების ტესტირება, აქ ნამდვილად გვაქვს დაგვიანება და იმედია ეს ძვირად არ დაგვიჯდება“,-აცხადებენ ექსპერტები.

მომზადებულია "ფორმულა ნიუსის" მიხედვით.