ივანიშვილზე კრიტიკული სტატუსის გამო ნაცემი ვლადიმირ ივანოვი სახლიდან ისევ პოლიციელებმა გაიყვანეს

ივანიშვილზე კრიტიკული სტატუსის გამო ნაცემი ვლადიმირ ივანოვი სახლიდან ისევ პოლიციელებმა გაიყვანეს - დაზარალებულის პირველი ინტერვიუ

პოლიტიკა - 12:04, 10 Apr, 2020

1352

44 წლის ფოთელი ვლადიმირ ივანოვი, რომელიც ადგილობრივმა პოლიციელებმა ბიძინა ივანიშვილის შესახებ კრიტიკული სტატუსის გამოქვეყნების გამო სასტიკად სცემეს, დღეს დილით სახლიდან ისევ პოლიციელებმა გაიყვანეს.

მამაკაცი, რომელსაც მრავლობითი დაზიანება აქვს მიღებული, სახლიდან სპეციალური ნიღბით (და არა პირბადით) გაიყვანეს, რომლითაც, სავარაუდოდ, მას სახეზე დაზიანებების დაფარვა აიძულეს, თუმცა, თავად ივანოვი, როელ კამერებთან დღეს პირველად გამოჩნდა, დეტალებზე არ საუბრობს და ამბობს, რომ გამოძიების შედეგებს დაელოდება.

ვლადიმირ ივანოვი უარზეა, ჟურნალისტებს ის დაზიანებები აჩვენოს, რაც პოლიელებმა ცემის დროს მიაყენეს, ამავე დროს, დაზარალებულის სტატუსი "ფეისბუქზე" უკვე აღარ იძებნება, ივანოვი კი უარყოფს, რომ "ფეისბუქზე" გამოქვეყნებული სტატუსის გამო სცემეს. მისი პირველი ინტერვიუ "მთავარმა" გამოაქვეყნა.

მომხდარით ოპოზიციური პარტიები და სახელმწიფო ინსპექტორი დაინტერესდნენ. პოლიციელებს სახელმწიფო ინსპექტორი სს კოდექსის 33-ე მუხლით (უფლებამოსილების გადამეტება) ედავება.

შეგახსენებთ, ლადიმერ ივანოვი სამმა ფორმიანმა ბინიდან მოტყუებით გამოიყვანა, სამართლადამცველებმა კორონავირუსის ეპიდემია მოიმიზეზეს და კრიტიკული პოსტის ავტორს კარი ამ საბაბით გააღებინეს.
ივანოვის დედა ამბობს, რომ მის შვილს 2 კაცი კასტეტით სცემდა, ერთი კი ვიდეოს უღებდა.