ენმ-ს ეკონომიკური გუნდის ერთერთი ლიდერი რომან გოცირიძე "ფეისბუქზე" წერს, რომ საერთაშორისო სავალუტო ფონდს დახმარებისთვის 90-ზე მეტმა ქვეყანამ მიმართა, ასეთი რამ კი მსოფლიოს არ ახსოვს.

მისივე თქმით, საქაერთველოს მთავრობამ, პრეზიდენტმა, "მარიფათი უნდა გამოიჩინონ, რომ ამ ძნელბედობის ჟამს შიშველი ხელების ამარა არ დავრჩეთ".

რომან გოცირიძე იმასაც იხსენებს, როგორ აურა გვერდი მსოფლიო ეკონომიკურმა კრიზისმა საქართველოს გვერდი 2008 წელს, როცა ქვეყანამ ჯამში 4 მილიარდი დოლარის დახმარება მიიღო:

"საერთაშორისო სავალუტო ფონდს ფინანსური დახმარებისათვის მიმართა 90-ზე მეტმა სახელმწიფომ. ასეთი რამ ფონდის არსებობის ისტორიას არ ახსოვს. ნახევარი მსოფლიო ჩადგა ფულის მთხოვნელთა რიგებში. სწორედ ახლაა საჭირო მარიფათის გამოჩენა, თორემ დავრჩებით ამ საშინელი კრიზისის დროს შიშველი ხელების ამარა. ახლა უნდა ჰყავდეს ქვეყანას საერთაშორისო ავტორიტეტის მქონე მთავრობა და პრეზიდენტი.

რაც გვყავს, ისა გვყავს. ასეთი აღმოჩნდა საუბედუროდ ჩვენი ბედი. დროულად უნდა აატალახონ სავალუტო ფონდის, მსოფლიო ბანკის და სხვა საერთაშორისო საფინანსო და საკრედიტო ორგანიზაციების კარები. ნუ დაგვავიწყდება, რომ 2008 წლის მსოფლიო ფინანსური კრიზისისა და რუსეთთან ომის შემდეგ, საქართველომ 4 მილიარდ დოლარზე მეტი საერთაშორისო დახმარება მიიღო.

მუშაობაა საჭირო", - წერს რომან გოცირიძე.