ავიაბილეთების ე.წ. შავ ბაზარზე გაყიდვის შესახებ გავრცელებულ ინფორმაციას საგარეო საქმეთა მინისტრი, დავით ზალკალიანი "სიცრუესა" და მავნებლობას" უწოდებს.

ზალკალიანი მოუწიდებს ისეთ მგზავრს, რომელიც უკვე დაბრუნდა საქართველოში და გადაიხადა 200 ევროზე მეტი თანხა, გამოვიდეს და ეს ღიად თქვას.

მინისტრის თქმით, მზადაა, "პასუხი აგოს" თუ ეს ინფორმაცია დადასტურდება, თუმცა იქვე განმარტა, რომ ის არ მოიაზრებს ამაში ადრე, კომერციული რეისების დროს გაყიდულ ბილეთებს.

"თუ ვინმემ €200-ზე მეტი გადაიხადა ბილეთში და დაბრუნდა საქართველოში, მზად ვარ, პასუხი ვაგო..

ყველა ბილეთს აქვს თავისი სახელი, გვარი და ეს ძალიან მკაცრად კონტროლდება ავიაკომპანიის მიერ. შეუძლებელია, ერთი პირიდან მეორეზე მოხდეს გადაყიდვა", - თქვა საგარეო საქმეთა მინისტრმა.